გარემოსა და ბუნებრივი რესურსების დაცვის მინისტრი, გიგლა აგულაშვილი გოეთეს ინსტიტუტს სტუმრობდა, სადაც  „გავერთიანდეთ მდგრადი მომავლისთვის“ - პროექტის ფარგლებში კონფერენცია გაიმართა. 

პროექტი მიზნად ისახავს მასწავლებლების მიერ გარემოსდაცვითი პროექტების ერთობლივად დაგეგმვას და ამ სფეროში პრობლემების  საბუნებისმეტყველო, ჰუმანიტარულ და სოციალურ მეცნიერებათა საგნებში ინტეგრირებას. მასწავლებლებს კოორდინირებას საქართველოს გოეთეს ინსტიტუტისა და ვენის გარემოსდაცვითი უნივერსიტეტის თანამშრომლები გაუწევენ.

კონფერენციაზე გერმანელმა და ავსტრიელმა ექსპერტებმა მდგრადი განვითარების,  სატყეო ეკონომიკისა და სოფლის მეურნეობის  მიმართულებით არსებული პრობლემები განიხილეს.

პროექტი ხელს შეუწყობს იუნესკოს მსოფლიო სამოქმედო პროგრამას -  „განათლება მდგრადი განვითარებისთვის“, რომელიც საქართველოს მიერ არის რატიფიცირებული. 

პროექტს გოეთეს ინსტიტუტი გერმანიის ფედერალური რესპუბლიკის საგარეო საქმეთა სამინისტროს მხარდაჭერით ახორციელებს. მოსწავლეებს საშუალება ექნებათ გაეცნონ მდგრადი განვითარების პერსპექტივებს, შეისწავლონ მასთან დაკავშირებული გამოწვევები და აქტიურად ჩაერთონ მიმდინარე პროცესში. 

„ამ პროექტით იგეგმება სკოლების მხარდაჭერა, იქედან გამომდინარე, რომ ავამაღლოთ ცნობიერება გარემოსდაცვით საკითხებში. პროექტის სახელწოდებაა „გავერთიანდეთ მდგრადი მომავლისთვის“ რაც ნიშნავს, რომ გავაერთიანოთ განათლება და გარემოს დაცვა“, - განაცხადა - ვენის აგრარული უნივერსიტეტის ვიცერექტორმა ვილჰელმ ლინდერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე