სიონის წყალსაცავიდან 10 ერთეული სალხართი ბადე ამოიღეს

2015-09-10 11:29:33, 860 ნახვა

სამართალი

გარემოსდაცვითი ზედამხედველობის დეპარტამენტი უკანონო თევზჭერის აღკვეთის მიზნით მასშტაბური ღონიძიებების გატარებას განაგრძობს.

გარემოსა და ბუნებრივი რესურსების დაცვის სამინისტროს ინფორმაციით, დეპარტამენტის აღმოსავლეთ-ცენტრალური სამმართველოს თანამშრომლებისა და თბილისის სწრაფი რეაგირების სამსახურის მიერ ერთობლივად ჩატარებული პატრულირების შედეგად, სიონის წყალსაცავიდან ამოღებულ იქნა 200 მეტრის სიგრძის 10 ერთეული სახლართი ბადე. ასევე, დიდი ოდენობით სხვადასხვა სახეობის თევზი.

უკანონოდ მოპოვებული თევზის საერთო ოდენობა 60 კილოგრამს აღწევს.

მასალები შემდგომი რეაგირებისთვის გადაეგზავნა შესაბამის საგამოძიებო ორგანოებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან