ნორვეგიის სამეფოს საგარეო საქმეთა მინისტრი ბიორგე ბრენდე საქართველოში ოფიციალური ვიზიტის ფარგლებში  საოკუპაციო ხაზთან მდებარე სოფელ ხურვალეთს ეწვია.

საგარეო საქმეთა სამინისტროს ინფორმაციით, მინისტრი ადგილზე გაეცნო მავთულხლართების შედეგად შექმნილ მძიმე ჰუმანიტარულ ვითარებას. იგი გაესაუბრა ადგილობრივ მკვიდრს ზურაბ ვალიშვილს და შინაგან საქმეთა სამინისტროსგან მიიღო ინფორმაცია რუსეთის საოკუპაციო ძალების მხრიდან მავთულხლართების გავლების პროცესისა და ოკუპირებული ტერიტორიების სიახლოვეს შექმნილი ვითარების შესახებ.

ნორვეგიის სამეფოს საგარეო საქმეთა მინისტრის განაცხადებით,  ნორვეგია მხარს უჭერს საქართველოს სუვერენიტეტსა და ტერიტორიულ მთლიანობას საერთაშორისოდ აღიარებული საზღვრების ფარგლებში. „რუსეთმა 2008 წელს საქართველოს ტერიტორიული მთლიანობის ხელყოფით დაარღვია საერთაშორისო სამართალი, რაც ასევე ეწინააღმდეგება გაერო-ს ქარტიას“ - განაცხადა ბიორგე ბრენდემ და დასძინა, რომ საოკუპაციო ხაზის გადმოწევის საკითხი ჟენევის მოლაპარაკებების ფორმატში უნდა იქნას განხილული.

ვიზიტის ფარგლებში ბიორგე ბრენდე "ამბასადორიალი 2015"-ში მიიღებს მონაწილეობას და საზღვარგარეთ საქართველოს დიპლომატიური წარმომადგენლობების ხელმძღვანელებს სიტყვით მიმართავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი დათანხმდა გამდიდრებული ურანი ჩინეთში გაიტანოს

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა