რეგიონული განვითარებისა და ინფრასტრუქტურის მინისტრის პირველმა მოადგილემ ილია დარჩიაშვილმა წყნეთი-სამადლოს გზის დამეწყრილი მონაკვეთი ამერიკის სატყეო სააგენტოს ექსპერტებთან და მერიის შესაბამისი სამსახურების წარმომადგენლებთან ერთად მოინახულა.

ამერიკის სატყეო სააგენტოს წარმომადგენლები საქართველოში ამერიკის განვითარების სააგენტოს (USAID)ფინანსური მხარდაჭერითა და მოწვევით ჩამოვიდნენ, რათა ქართულ მხარეს 13 ივნისის სტიქიის შედეგების აღმოფხვრაში დაეხმარონ. 

13 ივნისის სტიქიის შედეგად დაზიანდა და სრულიად გამოვიდა მწყობრიდან წყნეთი -სამადლოს გზის მონაკვეთი. მისი აღდგენის საკითხი მოითხოვს საფუძვლიან კვლევას. ამერიკელი ექსპერტები გზის აღნიშნულ მონაკვეთს, ასევე ვერეს ხეობასა  და მეწყრისაგან დაზიანებულ სხვა მონაკვეთებს  შეისწავლიან  და ქართულ მხარეს გაუწევენ რეკომენდაციას, თუ რა სახით აღდგება დაზიანებული გზა და როგორ მოხდება ვერეს კალაპოტის დამბებში მოქცევა, რათა მაქსიმალურად იყოს დაცული მოსახლეობის უსაფრთხოება.

მხოლოდ სრულფასოვანი, საერთაშორისო ექსპერტების მიერ გაკეთებული დასკვნის საფუძველზე გახდება შესაძლებელი კონკრეტული პროექტის შემუშავება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი