საგარეო საქმეთა მინისტრობის კანდიდატმა გიორგი კვირიკაშვილმა პრემიერ–მინისტრს ირაკლი ღარიბაშვილს ნდობისთვის მადლობა გადაუხადა.

კვირიკაშვილის თქმით, უმთავრესი პრიორიტეტი ევროპული და ევროატლანტიკური ინტეგრაცია იქნება და განსაკუთრებული აქცენტი ეკონომიკურ ურთიერთობებზე გაკეთდება.

„ძალიან დიდი პატივია, წარმოვადგენდე საქართველოს უცხოეთში და მაქსიმალურად შევეცდები, რომ ყველაზე საუკეთესო კუთხით წარმოვაჩინოთ ერთობლივად ჩვენი ქვეყანა. რა თქმა უნდა ის პოლიტიკური დღის წესრიგი, რომელიც საქართველოს აქვს - ევროპული და ევროატლნატიკური ინტეგრაცია იქნება უმთავრესი პრიორიტეტი და განსაკუთრებული აქცენტი გაკეთდება ასევე ეკონომიკურ ურთერთობებზე, რათა ის ბრწყინვალე პოლიტიკური ურთიერთობები, რომელიც  საქართველოს დასავლეთის ქვეყნებთან გააჩნია, ტრანსფორმირებული იქნას ასეთივე დონის ეკონომიკურ ურთიერთობებში. ეს იქნება პირველი პრიორიტი.  თუმცა, ძალიან ბევრი საინტერესო რამ ხდება მსოფლიოში პროდასავლური მიმართულების გარდაც და ეს არის რა თქმა უნდა აღმოსავლეთთან ურთიერთობები, ეს არის ახალი მოვლენები ევრაზიის კონტინენტზე და ჩვენ მაქსიმალურად შევეცდებით, რომ ყველა ამ საინტერესო მოვლენის მაქსიმალური ტრანსფორმაცია მოხდეს საქართველოსთვის როგორც პოლიტიკური, ასევე ეკონომიკური კუთხით“, – აღნიშნა კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთში იპოთეკური სესხები 50%-ზე მეტით შემცირდა

რუსეთის მიერ აღიარებულმა თალიბანმა ავღანეთში ბავშვთა ქორწინება დააკანონა

ოცნებამ საპატრიარქოსთვის სარეზერვო ფონდიდან 5 მილიონ 300 ათასი ლარი გამოყო

საპატრიარქო რეზიდენციაში ავტომობილით შეჭრილი მძღოლი - მე მირჩევნია მარტო ვიყო, არ მჭირდება ინტერესების დაცვა