კოვიდ19-ის ოთხი ახალი დადასტურებული შემთხვევიდან ერთი მედპერსონალია, - ამის შესახებ თბილისის ინფექციური საავადმყოფოს სამედიცინო დირექტორმა მარინა ეზუგბაიამ განაცხადა.

მისი თქმით, აღნიშნული მედპერსონალი მათი კლინიკიდან არაა.

„დღევანდელი მონაცემებით ოთხი ახალი დადასტურებული შემთხვევა გვაქვს, ჯამში 822 დადასტურებული შემთხვევაა, ხოლო გამოჯანმრთელებულთა რაოდენობაც ოთხით გაიზარდა. გამოჯანმრთელების პროცენტი ინფიცირებულებთან შედარებით ჯერჯერობით კვლავ 84%-ია. ამ ეტაპზე მონაცემების შეჯამებით, 119 პაციენტი მკურნალობს კვლავ კოვიდცენტრებში.

ოთხი დადასტურებული შემთხვევიდან ერთი საბურთალოს წყაროსთან კონტაქტირებული პირია, ორი არის იმპორტირებული შემთხვევა საკარანტინე სივრციდან და ერთი სამედიცინო პერსონალია. ეს პერსონალი ჩვენი ცენტრიდან არაა. ჩვენს საავადმყოფოს პერსონალის ინფიცირების შემთხვევა არ ჰქონია“, - განაცხადა მარინა ეზუგბაიამ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

სოფელ წინაკვერკვეში მეწყრული პროცესები ვითარდება

ზელენსკი: მივიღეთ ცნობები, რომ რუსეთი ჩვენ წინააღმდეგ ორეშნიკის გამოყენებისთვის ემზადება

ჩეხეთის პრეზიდენტმა რუსეთს ინტერნეტთან კავშირის გათიშვა შესთავაზა.

დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება