პარლამენტის ადამიანის უფლებათა დაცვის კომიტეტის თავმჯდომარე, სოფო კილაძე გამოეხმაურა ჩოგბურთელ ნიკოლოზ ბასილაშვილსა და მისი ყოფილი ცოლის, ნელი დოროყაშვილის გარშემო განვითარებულ მოვლენებს.

მან საზოგადოებას მოუწოდა, რომ ზედმეტი აჟიტირებისგან თავი შეიკავონ.

მისი თქმით,  ზემოთ აღნიშნულ პირებს ჰყავთ მცირეწლოვანი შვილი, რომელმაც შესაძლოა მომავალში ინტერნეტში წაიკითხოს განვითარებულ მოვლენებზე ინფორმაციას და ამან შესაძლოა ბავშვის მომავალს გამოუსწორებელი ზიანი მიაყენოს.

„საზოგადოებრივი დისკუსიების და ბევრი ლანძღვის ფონზე, მგონია, რომ ყველაზე მთავარი გამორჩა ჩვენი საზოგადოების დიდ ნაწილს - ეს არის ის მცირეწლოვანი ბავშვი, რომელიც ჩართულია ამ თემაში.

მგონია, რომ ეს ყველაფერი რჩება ინტერნეტსივრცეში და როცა ბავშვი გაიზრდება, გარკვეულ ასაკს მიაღწევს, დიდი ალბათობით მას მოუწევს ამ ყველაფრის წაკითხვა, რამაც შეიძლება გამოუსწორებელი ზიანი მიაყენოს ამ ბავშვის მომავალს. ამიტომ, ყველას მოვუწოდებ, რომ თავი შევიკავოთ ამ ყველაფერზე ზედმეტად აჟიტირებისგან.

რა თქმა უნდა, ქალთა მიმართ ძალადობა და ზოგადად, ძალადობა ჩვენს რეალობაში რომ სერიოზული პრობლემაა, ამაზე, მე მგონი, საზოგადოების დიდი ნაწილი ვთანხმდებით“, - განაცხადა სოფო კილაძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

გერმანიის ელჩი: 26 მაისი სიმბოლურად გამოხატავს საქართველოს სწრაფვას თავისუფლებისა და დემოკრატიისკენ

სვეტლანა ტიხანოვსკაია- ბელარუსებსა და ქართველებს ერთი და იგივე ხედვა აქვთ: იცხოვრონ როგორც თავისუფალმა, სუვერენულმა ევროპულმა ერებმა

დამოუკიდებლობის დღესთან დაკავშირებით საქართველო მისალოც წერილებს იღებს - განახლებადი

პაპუაშვილი: ზოგიერთს დღესაც სურს, არ ვიდგეთ ფეხზე, მათ წესებს მივყვეთ, საკუთარზე უარი ვთქვათ