აშშ-ის ყოფილმა პრეზიდენტმა, ბარაკ ობამამ კორონავირუსის პანდემიაზე თეთრი სახლის ამჟამინდელი ლიდერის, დონალდ ტრამპის პასუხს „ქაოტური კატასტროფა“ უწოდა. ინფორმაციას ამის შესახებ თავის წყაროებზე დაყრდნობით ტელეკომპანია CNN-ი ავრცელებს.

„როიტერის“ ცნობით, ინტერნეტში გავრცელებულ ჩანაწერში, ბარაკ ობამა თავისი ყოფილი ადმინისტრაციის წევრებს ესაუბრება. ამასთან, ობამა მხარდამჭერებსა და ყოფილ თანამშრომლებს მოუწოდებს, მხარი დაუჭირონ „დემოკრატების“ საპრეზიდენტო კანდიდატ ჯო ბაიდენს. ყოფილი პრეზიდენტის თქმით, ეს არჩევნები განსაკუთრებით მნიშვნელოვანია და მხოლოდ კონკრეტულ ინდივიდს თუ პოლიტიკურ პარტიას არ ეხება.

„ამ კრიზისზე საპასუხო რეაქცია საუკეთესო მთავრობის პირობებშიც კი, ცუდი იქნებოდა, თუმცა ამ შემთხვევაში, რეაქცია აბსოლუტური ქაოტური კატასტროფა აღმოჩნდა“, – აცხადებს ბარაკ ობამა.

აშშ-ს ყოფილი პრეზიდენტის თქმით, ეს მოხდა სწორედ იმ დამოკიდებულებების გამო, რომლებიც ამჟამინდელ ადმინისტრაციაში უკვე სისტემურ დონეზე არსებობს და რომლებიც ყველა სიტუაციაში მხოლოდ მოგების ნახვას ისახავს მიზნად.

ავტორი: ექსპრესნიუსი,

სოციალური ქსელები

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს