შსს-მ უკანონო თევზჭერის ფაქტზე ერთი პირი ამხილა

2015-08-16 10:45:13, 748 ნახვა

სამართალი

შინაგან საქმეთა სამინისტროს სამეგრელო-ზემო სვანეთის სამხარეო მთავარი სამმართველოს ჩხოროწყუს რაიონული სამმართველოს თანამშრომლებმა, ოპერატიული ინფორმაციის საფუძველზე ჩატარებული საგამოძიებო ღონისძიების შედეგად, 1967 წელს დაბადებული გიორგ ლ. უკანონო თევზჭერის ფაქტზე ამხილეს.

შინაგან საქმეთა სამინისტროს ინფორმაციით, სამართალდამცველებმა ბრალდებულის პირადი ჩხრეკისას ხუთი ცალი თვითნაკეთი ასაფეთქებელი მოწყობილობა, უკანონოდ დაჭერილი სხვადასხვა სახეობის 10 კგ თევზი, 2 ჩოგან–ბადე, 1 სახლართი ბადე და წყლის სათვალე ამოიღეს. გიორგი ლ. ჩადენილ დანაშაულს აღიარებს.

გამოძიება აკრძალულ ადგილას თევზის მასობრივი განადგურების ფაქტზე მიმდინარეობს (საქართველოს სსკ-ის 300-ე მუხლის მე-3 ნაწილით, რაც 3 წლამდე თავისუფლების აღკვეთას ითვალისწინებს).

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან