2015-08-05 17:03:13, 479 ნახვა

---

საგარეო უწყება საქართველოს მოქალაქეებს ურჩევს,თურქეთის სამხრეთ–აღმოსავლეთში გადაადგილებისგან თავი შეიკავონ

საქართველოს საგარეო საქმეთა სამინისტროს განცხადებით, თურქეთის სახმრეთ–აღმოსავლეთ პროვინციებში ტერორისტული აქტები და თავდასხმებია გახშირებული.  

შესაბამისად, უწყება მოქალაქეებს მოუწოდებს, თურქეთის სამხრეთ-აღმოსავლეთ რეგიონში გადაადგილებისაგან თავი შეიკავონ.

 „თურქეთის სამხრეთ-აღმოსავლეთ პროვინციებში უკანასკნელ პერიოდში გახშირებული ტერორისტული აქტებიდან და თავდასხმებიდან გამომდინარე, საქართველოს საგარეო საქმეთა სამინისტრო ურჩევს საქართველოს მოქალაქეებს, თავი შეიკავონ თურქეთის სამხრეთ-აღმოსავლეთ რეგიონში გადაადგილებისაგან (კერძოდ, არდაჰანის, ერზერუმის, ერზინჯანის, ყარსის, იღდირის, აღრის, ვანის, ბითლისის, მუშის, ბინგოლის, ელაზიღის, თუნჯელის, მალათიას, შალნიურფასა და ჰაქქარის ვილაიეთები).საჭიროების შემთხვევაში, საქართველოს მოქალაქეებს შეუძლიათ დაუკავშირდნენ თურქეთის რესპუბლიკაში საქართველოს დიპლომატიურ და საკონსულო დაწესებულებებს“, – ნათქვამია განცხადებაში.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი