2020-02-19 12:31:49, 1839 ნახვა

---

ციხელაშვილი - ცხინვალის რეგიონში ქართულწარწერიანი მედიკამენტების აკრძალვა ადამიანების წინააღმდეგ მიმართული ზომაა

„ცხინვალის რეგიონში მედიკამენტების დეფიციტის ფონზე ქართულწარწერიანი მედიკამენტების ამოღება ადამიანების წინააღმდეგ მიმართული ზომა გახლავთ“, - ამის შესახებ სახელმწიფო მინისტრმა შერიგებისა და სამოქალაქო თანასწორობის საკითხებში, ქეთევან ციხელაშვილმა განაცხადა.

მისი თქმით, იმ ზომების ერთობლიობა, რომელსაც საოკუპაციო რეჟიმი მიმართავს, პრობლემებს უქმნის არამხოლოდ ახალგორის ქართულ მოსახლეობას, არამედ ცხინვალის რეგიონში მცხოვრებ ყველა ადამიანს.

„იმ ზომების ერთობლიობა, რომელსაც მიმართავს საოკუპაციო რეჟიმი პრობლემებს უქმნის არამხოლოდ ახალგორის ქართულ მოსახლეობას, არამედ ცხინვალის რეგიონში მცხოვრებ ყველა ადამიანს განურჩევლად ეთნიკური კუთვნილებისა. პრობლემას უქმნის, რა თქმა უნდა, ჩვენს ოს მოსახლეობასაც და პირდაპირ აისახება მათ ჯანმრთელობაზე, მათ მდგომარეობაზე, მათ საჭიროებაზე ის, რომ პროდუქტების დეფიციტია. ის, რომ მედიკამენტების დეფიციტის ფონზე კიდევ მედიკამენტების ამოღება ხდება იმ ნიშნით, რომ მასზე ქართული წარწერებია, პირდაპირ ადამიანების წინააღმდეგ მიმართული ზომა გახლავთ“, - განაცხადა ქეთევან ციხელაშვილმა.

ცნობისთვის, უცხოური მედიის ინფორმაციით, უკვე ერთი კვირაა, ოკუპირებულ ცხინვალში საკვები პროდუქტების დეფიციტია.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი