„ჩვენ გვინდა, საქართველო გახდეს წარმატებული და მოდელი ქვეყანა. ეს ხელს შეუწყობს რეგიონში სტაბილურობას“, – ამის შესახებ პრემიერ–მინისტრმა ირაკლი ღარიბაშვილმა ევროსაბჭოს პრეზიდენტთან დონალდ ტუსკთან ერთად გამართულ ერთობლივ ბრიფინგზე განაცხადა.

პრემიერის თქმით, საქართველოს მიზანია, როგორც ევროკავშირის ერთგულმა ქვეყანამ, მსოფლიოში მშვიდობისა და უსაფრთხოების ხელშეწყობის საქმეში აქტიური როლი შეასრულოს.

„მოგეხსენებათ, ჩვენ გავაგზავნეთ მისია ცენტრალურ აფრიკაში, ევროკავშირის მისიაში შევიტანეთ მნიშნვნელოვანი წვლილი, რომელიც წარმატებული აღმოჩნდა და წარმატებული თანამშრომლობის მაგალითად იქცა“, – აღნიშნა ღარიბაშვილმა.

პრემიერის განცხადებით, ხელისუფლების მიზანია, საქართველო გახდეს წარმატებული სახელმწიფო, რაც რეგიონის სტაბილურობას ხელს შეუწყობს.

 „ჩვენ რა თქმა უნდა დიდ მნიშვნელობას ვანიჭებთ სტრატეგიულ დარგებში თანამშორმლობას, როგორიც არის ენერგო უსაფრთხოება და ტრანსპორტი.  კიდევ მინდა ვუთხრა ტუსკს, რომ საქართველო ისწრაფვის გახდეს ევროპული ტანსფორმაციის წარმატებული მაგალითი. ჩვენ გვინდა, რომ სქართველო გახდეს წარმატებული და  მოდელი სახელმწიფო. ეს სარგებელს მოუტანს არა მხოლოდ ჩვენს ქვეყანას, არამედ ხელს შეუწყობს სტაბილურობას და ეკონომიკურ განვითარებას მთლიანად რეგიონში“, – აღნიშნა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე