2019-10-31 18:31:22, 2038 ნახვა

---

პრემიერი: პატრიარქი ჩვენი სულიერი სიმბოლოა - მსგავსი თავდასხმები არის შეტევა სახელმწიფოებრიობასა და ეკლესიაზე

„მსგავსი წარმოუდგენელი თავდასხმები საქართველოს პატრიარქზე,  ჩვენს სულიერ სიმბოლოზე, გახლავთ შეტევა ქვეყანაზე, ჩვენს სახელმწიფოებრიობაზე და ეკლესიაზე“, - ამის შესახებ თურქეთის რესპუბლიკაში ოფიციალური ვიზიტით მყოფმა საქართველოს პრემიერ-მინისტრმა, გიორგი გახარიამ განაცხადა.

მისი თქმით, ადამიანები, რომლებიც საკუთარ ეგოს ვერ თოკავენ, ქვეყნის მომავალს რისკის ქვეშ აყენებენ.

„ადამიანები, რომლებიც ვერ თოკავენ საკუთარ ეგოს, უდიდესი რისკის ქვეშ აყენებენ ჩვენს დღევანდელობასა და ხვალინდელ დღეს. ეს აბსოლუტურად მიუღებელია და დარწმუნებული ვარ, ჩვენი ქვეყნის თითოეული მოქალაქე დღეს იქნება ჩვენი პატრიარქის გვერდით. რა თქმა უნდა, ჩვენ ამასაც მოვერევით, ამასაც გავუძლებთ და აქედანაც უფრო გაძლიერებული გამოვალთ ჩვენი პატრიარქის ლოცვა-კურთხევით“, - აღნიშნა გახარიამ.

 

 

მოამზადა ლიკა ბესელიამ

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი