ე.წ. სახმრეთ ოსეთის სახელმწიფო უშიშროების კომიტეტმა, ე.წ. სამხრეთ ოსეთის „სახელწიფო სიმბოლოების“ შეურაცხყოფის და ვანდალიზმის ფაქტებზე სისხლის სამართლის საქმე აღძრა.

ამის შესახებ ე.წ. სახმრეთ ოსეთის სახელმწიფო უშიშროების კომიტეტის განცხადებაშია ნათქვამი.

განცხადების თანახმად, 2015 წლის 14 ივლისს, ახალგორის რაიონის სოფელ წინაგარის მიმდებარე ტერიტორიაზე, ქართველმა არასამთავრობო ორგანიზაციების წარმომადგენლებმა მიტინგი ჩაატარეს და ე.წ. სახმრეთ ოსეთის ტერიტორიაზე დამონტაჟებული საზღვრის აღმიშვნელი საინფორმაციო ბანერის შეურაცხყოფა და დემონტაჟი განახორციელეს. აღებული ბანერის ადგილას საქართველოს სახელმწიფო დროშა დადგეს.

„ე.წ. სამხრეთ ოსეთის სახელმწიფო უშიშროების კომიტეტმა სარწყავი არხიდან ბანერი ამოიღო და ძველ ადგილას დაამონტაჟა, ხოლო საქართველოს სახელმწიფო დროშა საერთაშორისო ცერემონიალის, ტრადიციების თანახმად, ჩამოხსნილი იქნა და ინციდენტების პრევენციის და მათზე რეაგირების კომისიის მორიგ შეხვედრაზე ქართულ მხარეს გადაეცემა“, - ნათქვამია ე.წ. სახმრეთ ოსეთის სახელმწიფო უშიშროების კომიტეტის განცხადებაში.

შეგახსენებთ, 10 ივლისს, რუსეთის საოკუპაციო ძალებმა, გორის რაიონის სოფელ წითელუბნისა და ოკუპირებული ახალგორის რაიონის სოფელ ორჭოსანის მიმდებარე ტერიტორიაზე, თბილისი-გორის ცენტრალური ავტომაგისტრალის სიახლოვეს ე.წ. ,,საზღვრის“ აღმნიშვნელი ბანერები უკანონოდ აღმართეს.  14 ივლისს კი, სოფელ ხურვალეთთან მიმდინარე საპროტესტო აქციაზე, ჟურნალისტებმა ე.წ. საზღვრის აღმნიშვნელი ბანერი მოგლიჯეს და ხევში გადააგდეს. როგორც აქციის მონაწილეებმა განაცხადეს, რუსეთის საოკუპაციო ძალები ქართულ სახელმწიფოს შუაზე ხლეჩენ და არც ერთი ჟურნალისტი ამ ფაქტს არ შეეგუება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს