ახალდაბის საჯარო სკოლის პედაგოგმა, შუშანა ფუტკარაძემ 44 წლიანი პროფესიული საქმიანობა დაასრულა და ოქტომბრის დასაწყისში, სახელმწიფოსგან, ჯილდოს სახით, ორი წლის ჯამურ ხელფასს მიიღებს,

ამავე დროს, პედაგოგის დაზღვევას მთელი სიცოცხლის განმავლობაში შეინარჩუნებს. სახელმწიფო პროგრამით ისარგებლებს ამავე სკოლის დაწყებითი კლასების პედაგოგი ნოდარ დავითაძეც.

დღეს, პედაგოგებს შუახევის მერი ფრიდონ ფუტკარაძე ოჯახებში ესტუმრა, მადლობა გადაუხადა  გაწეული შრომისთვის, მათი დამსახურებისთვის მომავალი თაობების წინაშე და სიმბოლური საჩუქრები გადასცა.

„მინდა მადლობა გადავუხადო პედაგოგებს  წლების განმავლობაში გაწეული შრომისთვის, მათი ამაგისთვის. ნებისმიერი ადამიანის წარმატების უკან დგას პედაგოგთა შრომა და მათი ინვესტიცია. ეს არიან ის ადამიანები, რომლებიც უზრდიან ქვეყანას პროფესიონალ და პატრიოტ ადამიანებს, რომელთა მხრებზეც დგას სახელმწიფოს სიძლიერე. მუნიციპალიტეტში საპენსიო ასაკის პედაგოგებიდან ჯილდოს მიღების სურვილი 62 პედაგოგმა გამოთქვა. მასწავლებელთა დღეს მათ შუახევის რესურსცენტრთან ერთად მოვუწყობთ ღვაწლმოსილი პედაგოგების გამოსამშვიდობებელ საღამოს,"- აღნიშნა ფრიდონ ფუტკარაძემ.

მერთან ერთად პედაგოგები  საკრებულოს წევრმა გურამ ზოიძემ მოინახულა.  

(NS)

ავტორი: ექსპრესნიუსი,

სოციალური ქსელები

EU-ის წარმომადგენლობა და წევრი ქვეყნები საქართველოს დამოუკიდებლობის დღეს ულოცავენ

თვისუფლება გადამდებია - PSP დამოუკიდებლობის დღისადმი მიძღვნილი ახალი კამპანია

"ერთად გამარჯვებისთვის!" - ოპოზიციის ალიანსი დღეს საპროტესტო აქციას გამართავს

რუბიომ ვაშინგტონსა და კიევს შორის აქტიური მოლაპარაკებების არარსებობის შესახებ განაცხადა