ახალდაბასთან ახლოს მეწყერი ჩამოწვა

2015-07-09 11:38:10, 654 ნახვა

საზოგადოება

თბილისში, სოფელ ახალდაბასთან ახლოს მეწყერი ჩამოწვა.

როგორც „ექსპრესნიუსს“ შსს-ს საგანგებო სიტუაციების მართვის სააგენტოში განუცხადეს, მეწყერი მცირე მასშტაბის იყო და მას მნიშვნელოვანი ზარალი არ გამოუწვევია.

მეწყერმა მხოლოდ სოფლის გაზსადენი და სავალი გზის ნაწილი დააზიანა.

„ყაზტრანსგაზ-თბილისის“ ცნობით, გაზსადენი სერიოზულადაა დაზიანებული, რის გამოც სოფელ ახალდაბას ამჟამად გაზი არ მიეწოდება.

„ყაზტრანსგაზ-თბილისის“ მიერ გავრცელებულ განცხადებაში ნათქვამია, რომ კომპანია გაზსადენის აღდგენით სამუშაოებს, შესაბამისი სამსახურების მიერ გაწმენდითი სამუშაოების დასრულებისთანავე დაიწყებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან