ევროპის სუპერთასის ფინალის აღსანიშნავად, საქართველოს ქალაქებსა და რეგიონებში ევროპის საკლუბო თასების ტური ფოთიდან დაიწყო.

რუსთაველის რკალზე,  ვალერიან გუნიას სახელობის სახელმწიფო პროფესიული თეატრის წინ, სამი უმაღლესი ევროპული საფეხბურთო თასი - სუპერთასი, ჩემპიონთა ლიგის და ევროპის ლიგის თასები განთავსდა და ყველა მსურველს შესაძლებლობა ჰქონდა ფოტოები გადაეღო.

შეკრებილ  საზოგადოებას საქართველოს ფედერაციის პრეზიდენტი ზვიად სიჭინავა და ქალაქის მერი ირაკლი კაკულია, რომლებმაც აღნიშნეს, რომ ევროთასების საქართველოში მოგზაურობის ფოთიდან დაწყება სიმბოლურია, რადგან ფოთი ქართული ფეხბურთის აკვანი და ლეგენდარული ქართველი ფეხბურთელის ბორის პაიჭაძის სამშობლოა.

ღონისძიებას  სამეგრელო-ზემო სვანეთის გუბერნატორი ლევან შონია,  საფეხბურთო გუნდ "ფოთის კოლხეთის" წარმომადგენლები და სხვა საპატიო სტუმრები ესწრებოდნენ.

ცნობისთვის, ევროპის საფეხბურთო ფედერაციის ხელმძღვანელობის გადაწყვეტილებით, თბილისში, ბორის პაიჭაძის სახელობის ეროვნულ სტადიონზე 11 აგვისტოს ევროპის სუპერთასის გათამაშების ფინალი გაიმართება, რომელშიც ესპანური კლუბები - „ბარსელონა“ და „სევილია“ დაუპირისპირდებიან ერთმანეთს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“