2019-06-17 16:41:49, 1484 ნახვა

---

მაია ცქიტიშვილი: მნიშვნელოვანია, რომ ლევან ვასაძის განცხადებებთან დაკავშირებით შსს-მ გამოძიება უკვე დაიწყო

რეგიონული განვითარებისა და ინფრასტრუქტურის მინისტრი მაია ცქიტიშვილი ბიზნესმენ ლევან ვასაძის იმ განცხადებებს გამოეხმაურა, რომლითაც მან „სახალხო რაზმების“ შექმნა და „თბილისი პრაიდის“ მიერ ორგანიზებული ღონისძიებების ძალადობრივად ჩაშლა დააანონსა. 

მაია ცქიტიშვილმა აღნიშნა, რომ დაუშვებელია, ვინმემ სახელმწიფოს როლის თავის თავზე აღება სცადოს.

"ჩემთვის ძალიან მნიშვნელოვანი იყო დღეს დილითვე ინფორმაციის გაგება შინაგან საქმეთა სამინისტროს მხრიდან, რომ არაფორმალური ორგანიზაციის შექმნაზე და იმ განცხადებებთან  დაკავშირებით, რაც გუშინ მოვისმინეთ დაწყებულია საგამოძიებო პროცესი. მოგეხსენებათ, რომ ნებისმიერი ასეთი სახის განცხადება, ასეთ პროცესში უშუალო მონაწილეობა , მათ შორის, მცდელობა, რომ სახელმწიფოს როლი რამე სახით შეითავსოს დანაშაულის ნიშნებს შეიცავს, რაზეც შსს-ს აქვს დაწყებული გამოძიება“, - განაცხადა მაია ცქიტიშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი