„ევროპული საქართველოს“ წევრი სერგო რატიანი „ზოგადი განათლების შესახებ“ კანონში ცვლილებების პირველი მოსმენით ჩავარდნასთან დაკავშირებით კომენტარს აკეთებს.

მისი თქმით, ის არ ენდობა უმრავლესობის წევრებს, რომლებიც ამბობდნენ, რომ სიტყვა"ლიბერალური" "ლიბერალურ დემოკრატიულით" ჩანაცვლდებოდა.

"შეგიძლიათ ილია ჭავჭავაძე ლიბერალიზმის გარეშე მოიხსენიოთ, შეგიძლიათ ეს ისტორიიდან ამოიღოთ?! ამიტომ სხვანაირად გავაკეთოთ. ჩემი მოწოდება იყო, რომ კანონი დღის წესრიგიდან საერთოდ მოხსნილიყო, რადგან აქ "ლიბერალური ღირებულებები" ამოღებულია. თავიდან უმრავლესობა არ დაგვთანხმდა, რომ მოხსნილიყო  დღის წესრიგიდან და ისინი  ამბობდნენ, რომ ეს მეორე მოსმენის საკითხია, მაგრამ მე ვამბობდი, რომ არა , ეს პრინციპული და არსებითი საკითხია და შესაბამისად, იყო კენჭისყრა და პირველი მოსმენით ჩავარდა ეს კანონი. შესაბამისად, ლიბერალური ღირებულებები, როგორც სწავლების მიზნები დარჩება მიზნებში. ის, რომ ჩანაწერი "ლიბერალურ დემოკრატიულით" შეიცვლებოდა, ჩვენ არ ვენდობით მათ, იმიტომ, რომ მათ არაერთხელ მოიტყუეს და, გარდა ამისა, ეს არსებითი საკითხი იყო. ამასთან, პირველი მოსმენისას ქანთარია ამტკიცებდა, რომ სიტყვა  ლიბერალურმა რაღაც სხვა მნიშვნელობა შეიძინა, თუმცა, სამყაროში ისეთი ლექსიკონი, რომელიც ამას ამტკიცებს,  არ არსებობს. მათთვის ეს იყო პრინციპული და ჩვენთვისაც არის ეს პრინციპული",-  განაცხადა სერგო რატიანმა.

ავტორი: ექსპრესნიუსი,

სოციალური ქსელები

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს