2019-05-02 16:55:33, 1866 ნახვა

---

ბოკერია: პრეზიდენტისგან ვეტოს მოლოდინი არ გვქონდა - ვეტო ამ პრეზიდენტს და ივანიშვილს არჩევნებზე უნდა გამოვუცხადოთ

"ევროპული საქართველოს" ერთ-ერთი ლიდერი გიგა ბოკერია მიიჩნევს, რომ პრეზიდენტის მიერ ვეტოს უფლების არ გამოყენება მოსალოდნელი იყო.

მისი თქმით, ამ სიტუაციის შეცვლის ერთადერთი გზა ხელისუფლების არჩევნების გზით შეცვლაა. 

"ჩვენ ვეტო ამ პრეზიდენტს, იმ გუნდს და იმ ადამიანს, ივანიშვილს, ვინც ეს სიტუაცია შექმნა, არჩევნებზე უნდა გამოვუცხადოთ და ეს ხალხი მშვიდობიანი არჩევნების გზით უნდა შევცვალოთ, ეს არის ერთადერთი გზა. ერთ-ერთი ასეთი მნიშვნელოვანი არჩევნები სულ რამდენიმე კვირაში მოდის - მთაწმინდაზე და პირველი ნაბიჯი უნდა გადავდგათ იმისკენ, რომ არ ვიყოთ ზურაბიშვილის ვეტოს იმედზე", - განაცხადა გიგა ბოკერიამ.

ცნობისთვის, პრეზიდენტმა მოსამართლეების არჩევის წესთან დაკავშირებულ კანონპროექტს ხელი მოაწერა. 

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი