შუახევში, ბიბლიოთეკარის დღე აღინიშნა. პროფესიული დღე ბიბლიოთეკის თანამშრომლებს მუნიციპალიტეტის თვითმმართველობის სახელით შუახევის მერის მოადგილე რუსუდან შავაძემ მიულოცა და წარმატებული საქმიანობა უსურვა.

ღონისძიებას ღვაწლმოსილი ბიბლიოთეკარები, ნორჩი მკითხველები, კულტურის ცენტრისა და ბიბლიოთეკის თანამშრომლები, საზოგადოების წარმომადგენლები ესწრებოდნენ.

დამსწრე საზოგადოება კიდევ ერთხელ გაეცნო შუახევის ბიბლიოთეკის ისტორიას დაარსებიდან დღემდე და ამ დარგში მოღვაწე ბიბლიოთეკარებს.

კულტურულ ნაწილში მონაწილეობდა ანსამბლი ,,ნაი“ და უჩამბის, ჭვანის, ზამლეთის საბიბლიოთეკო განყოფილებისა და შუახევის ბიბლიოთეკის ნორჩი მკითხველები.

რუსუდან შავაძემ და კულტურის ცენტრის დირექტორმა მაკა მაკარაძემ ბიბლიოთეკაში ხანგრძლივი და ნაყოფიერი მუშაობისთვის ბიბლიოთკარებს სიგელები და სიმბოლური საჩუქრები გადასცეს.

ღონისძიების დასასრულს დასახელდნენ ბიბლიოთეკის აქტიური მკითხველებიც.

შუახევში პირველი ქოხ- სამკითხველოები უჩამბაში, ოლადაურში, შუბანში, ტაკიძეებში, გოგაძეებში, ქიძინიძეებში, მაწყვალთაში, დღვანში, ბარათაულში, ნიგაზეულში და ნაღვარევში გაიხსნა, ხოლო რაიონული ბიბლიოთეკა - 1953 წლის 6 აგვისტოს.

(NS)

ავტორი: ექსპრესნიუსი,

სოციალური ქსელები

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა

ლელო აშშ-ის სახელმწიფო დეპარტამენტის დელეგატებთან შეხვედრის შესახებ: „ჩვენი პოზიციები ძირითადად ემთხვევა“

პუტინმა ხელი მოაწერა კანონს, რომელიც აფართოებს რუსეთსა და ცხინვალს შორის ინტეგრაციას