საქართველოს იუსტიციის სამინისტროს ეროვნული არქივის კინოთეატრში მიმდინარე ქართული ანიმაციური ფილმების კვირეულით საზოგადოების დაინტერესება დიდია.

კვირეული 22 მარტს გაიხსნა და მოიცავს 8 სეანსს, რომელთაგან 4 უკვე გაიმართა. 25, 26 და 27 მარტს სეანსები დაგეგმილია 15:00 საათზე. 28 მარტს, 19:00 საათიანი სეანსით კი ანიმაციური ფილმების ჩვენება დასრულდება.

მულტიპლიკაციური ფილმების კვირეული ნაწილია პროექტის - „რე-ანიმაცია" - რაც ქართული ანიმაციური ფილმების ციფრულ მატარებელზე გადატანას,  რესტავრაციასა და კინოთეატრში ჩვენებას ითვალისწინებს. პროექტი საქართველოს ეროვნული არქივისა და კინოსტუდია „ქართული ფილმის" თანამშრომლობით ხორციელდება.

ანიმაციური ფილმები ეროვნული არქივის მაღალი გარჩევადობის კინოსკანერზე ციფრულ ფორმატში გადადის და ციფრული რესტავრაცია უტარდება. მულტიპლიკაციური ფილმებს  ფერის, გამოსახულებისა და ხმის კორექცია უკეთდება. პროექტის მიზანი ანიმაციური ფილმების მაღალი ხარისხის ციფრული ასლების შექმნა, ბავშვებისა და მოზარდების ქართული მულტიპლიკაციური ფილმებით დაინტერესება და მათი პოპულარიზაციის გაზრდაა.

თითოეული სეანსი 90 წუთიანია და მასში წარმოდგენილია საქართველოს ეროვნულ არქივსა და კინოსტუდია „ქართული ფილმში" დაცული 9 მოკლემეტრაჟიანი ქართული მულტფილმი,  რომლის რესტავრაცია უკვე განხორციელდა. მათ შორისაა:

„წუნა და წრუწუნა" (1962 წელი)

„ბომბორა სწავლას იწყებს" (1973 წელი)

„სახლობანა" (1973 წელი)

„საზამთრო" (1974 წელი)

„თერძი ბესო" (1977 წელი)

„ხელმარჯვე ოსტატის საჩუქარი" (1983 წელი)

„ყარყატის შვილობილი" (1985 წელი)

„მძლეთამძლე" (1991 წელი)

„სანუკვარი ოცნება" (1989 წელი).

დასწრება თავისუფალია.

კინოთეატრი მდებარეობს ეროვნული არქივის შენობაში, მისამართზე: თბილისი, ვაჟა-ფშაველას #1/პეკინის გამზ. #40 (შესასვლელი პეკინის გამზირის მხრიდან).

(NS)

ავტორი: ექსპრესნიუსი,

სოციალური ქსელები

რუსეთში იპოთეკური სესხები 50%-ზე მეტით შემცირდა

რუსეთის მიერ აღიარებულმა თალიბანმა ავღანეთში ბავშვთა ქორწინება დააკანონა

ოცნებამ საპატრიარქოსთვის სარეზერვო ფონდიდან 5 მილიონ 300 ათასი ლარი გამოყო

საპატრიარქო რეზიდენციაში ავტომობილით შეჭრილი მძღოლი - მე მირჩევნია მარტო ვიყო, არ მჭირდება ინტერესების დაცვა