2019-01-03 15:32:13, 1552 ნახვა

---

მდინარაძე: პერსონალურ გადაწყვეტილებას მოსამართლეთა მხარდაჭერასთან ან წინააღმდეგობასთან დაკავშირებით ვერ დავაფიქსირებ

"წინასწარ ჩემს პერსონალურ გადაწყვეტილებას მოსამართლეთა მხარდაჭერასთან ან წინააღმდეგობასთან დაკავშირებით ვერ დავაფიქსირებ", -  ასე უპასუხა ფრაქცია " ქართული ოცნების" თავმჯდომარემ, მამუკა მდინარაძემ ჟურნალისტის შეკითხვას უმაღლეს სასამართლოში მოსამართლე მიხეილ ჩინჩალაძეს კანდიდატურასთან დაკავშირებით.

როგორც მდინარაძემ აღნიშნა, სახელისუფლებო გუნდი გადაწყვეტილებებს ერთობლივად იღებს.

"ჩემი გადაწყვეტილება იქნება ისეთი, რომელიც დაემთხვევა გუნდის პოზიციას. ვარ ფრაქციის ხელმძღვანელი და ძალიან მიჭირს ხოლმე წინასწარ პერსონალური გადაწყვეტილების შესახებ საუბარი, რათა გავლენა არ მოახდინოს ფრაქციის სხვა წევრებზე. არც იქნება სწორი, რომ მე წინასწარ დავაანონსო რომელიმე მოსამართლეობის კანდიდატურასთან ჩემი მხარდაჭერა ან წინააღმდეგობა. მივიღებთ საერთო გადაწყვეტილებას და მანამდე, ძალიან დიდი ბოდიში, ჩემს პოზიციებს ვერ დავაფიქსირებ", - განაცხადა მდინარაძემ

---

ავტორი: ,

---

დღის თემა

მთავარი თემა

ინტერვიუ - ექსკლუზივი