2018-12-25 19:35:39, 1455 ნახვა

---

კალაძე: ხაბეიშვილი რეპრესიებზე რომ დასვამს შეკითხვას, ეს ნათელი მაგალითია, როგორი არ უნდა იყოს ოპოზიცია

დედაქალაქის მერის კახა კალაძის განცხადებით, დაჭრის ფაქტი, რომელიც რაჭაში მოხდა, არის პირადი დაპირისპირება და საქმეს პოლიტიკური ელფერი არ უნდა მიეცეს. 

ამის შესახებ კახა კალაძემ თბილისის საკრებულოს წევრის ლევან ხაბეიშვილის შეკითხვის საპასუხოდ განაცხადა, რომელმაც „ქართული ოცნების“ პოლიტიკური გუნდი რეპრესიების განხორციელებაში დაადანაშაულა. 

„ეს არის ნათელი მაგალითი, თუ როგორი არ უნდა იყოს ოპოზიცია. ჯერ როდესაც ხელისუფლებაში იყვნენ, გვაჩვენებდნენ, როგორი არ უნდა ყოფილიყო ხელისუფალი და როგორ არ უნდა მართო ქვეყანა. ეს არის ადამიანის უბედურება, პირადი დაპირისპირება და აქ პოლიტიკა არაფერ შუაშია. სრული პასუხისმგებლობით ვაცხადებ, ეს იყო ორ ადამიანს შორის დაპირისპირება და მოხდა სამწუხარო ფაქტი - ერთი არის დაჭრილი და მძიმე მდგომარეობაშია, მაგრამ ყველაზე დიდი უბედურება ის არის, რომ„ნაციონალური მოძრაობის“ წარმომადგენელი ამ საქმეზე პოლიტიკური სარჩულის მიკერებას ცდილობს“, - აღნიშნა კახა კალაძემ.

 

(NS)

---

ავტორი: ,

---

დღის თემა

მთავარი თემა

ინტერვიუ - ექსკლუზივი