სოფლის მეურნეობის სამეცნიერო-კვლევითი ცენტრის წილკნის სადემონსტრაციო ბაზაზე ფერმერებთან შეხვედრა გაიმართა.

მათ აგროსაინჟინრო კვლევის სამსახურის მიერ 2015-2018 წლებში შემუშავებული სასოფლო-სამეურნეო ტექნიკის ნიმუშები გააცნეს.

ტექნიკის გამოფენაზე წარმოდგენილი იყო ხეხილის საბერტყ-შემგროვებელი მანქანები, ჩაის მოვლა-მოყვანის კომბინირებული მანქანა, ნიადაგდამამუშავებელი ფარცხი და ფრიზი, კომბინირებული საკვების დასამზადებელი წისქვილი და ამრევი დანადგარი.

შეხვედრას გარემოს დაცვისა და სოფლის მეურნეობის მინიტრის მოადგილე იური ნოზაძე, სოფლის მეურნეობის სამეცნიერო-კვლევითი ცენტრის დირექტორი ლევან უჯმაჯურიძე, მანქანათა მექანიკის ინსტიტუტის დირექტორი თამაზ ნატრიაშვილი, სოფლის მეურნეობის მეცნიერებათა აკადემიის, შპს მექანიზატორის, სოფლის მეურნეობის საინფორმაციო-საკონსულტაციო სამსახურის, საქართველოს ტექნიკური და აგრარული უნივერსიტეტების წარმომადგენლები და დარგის სპეციალისტები ესწრებოდნენ.

ტექნიკის გამოფენის პარალელურად აგროსაინჟინრო კვლევის სამსახურის წარმომადგენლებმა მოხსენებები გააკეთეს. მათ 4 წლის განმავლობაში შესრულებული პროექტები შეაჯამეს, სამომავლო გეგმებსა და მექანიზაციაში არსებულ პრობლემურ საკითხებზე ისაუბრეს.  2019 წელს კი ჩაის რეაბილიტაციის პროექტის ფარგლებში, ჩაის ტექნიკის განვითარებაზე იმუშავებენ - გათვალისწინებულია ჩაის პლანტაციებში სამუშაოდ მობილური ტექნიკის შექმნა.

აღსანიშნავია, რომ სოფლის მეურნეობის სამეცნიერო-კვლევითი ცენტრის აგროსაინჟინრო კვლევის სამსახურმა 2018 წელს ბელარუსის კომბაინების პროექტირების სამეცნიერო-ტექნიკურ ცენტრთან „გომსელმაში“ ერთად კარტოფილის ამომღებ-დამტვირთავი ნახევრადმისაბმელიანი მანქანა შექმნა, რომელიც საქართველოს ნიადაგურ-კლიმატურ პირობებთან არის ადაპტირებული.  2019 წლისთვის აღნიშნული ტექნიკის გასაუმჯობესებლად ტექნიკური სამუშაოების ჩატარება არის დაგეგმილი.

(NS)

ავტორი: ,

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს