თურქეთის პრეზიდენტმა რეჯეპ ტაიფ ერდოღანმა ჟურნალისტ ჯამალ ხაშოგის მკვლელობაში საუდის არაბეთის მაღალჩინოსნები დაადანაშაულა, - ამის შესახებ BBC იუწყება.

ამასთან, ერდოღანის თქმით მას არ სჯერა, რომ ჟურნალისტის ლიკვიდაციის საქმეში საუდის არაბეთის მედეც არის გარეული.

"ვიცით, რომ ხაშოგის მოკვლის ბრძანება საუდის არაბეთის უმაღლესი თანამდებობის პირებმა გასცეს. ამ მკვლელობაში გაცილებბით მეტი ადამიანი მონაწილეობდა, ვიდრე უსაფრთხოების სამსახური წარმომადგენლები. ჟურნალისტის მკვლელები უნდა უმკაცრესად დაისაჯონ და არარავინ უნდა ბედავდეს ნატო-ს წევრი ქვეყნის ტერიტორიაზე ასე მოქცევა. თუ ვინმე აღნიშნულ გაფრთხილებას არ გაითვალისწინებს, მძიმე შედეგს მიიღებს", - განაცხადა თურქეთის პრეზიდენტმა.

მანამდე ერდოღანმა განაცხადა, რომ ჟურნალისტ ჯამალ ხაშოგის მკვლელობა საუდის არაბეთმა წინასწარ დაგეგმა.

შეგახსენებთ, რომ 2 ოქტომბერს ჯამალ ხაშოგი სტამბოლში საუდის არაბეთის გენერალურ საკონსულოში მივიდა, მას შემდეგ, რაც საკონსულოს თანამშრომლები მას ტელეფონით დაუკავშირდნენ და გარკვეული დოკუმენტების ხელმოწერის მიზნით საკონსულოში მისვლა სთხოვეს. ამის შემდეგ მისი კვალი იკარგება. ჟურნალისტის ცოლი ამბობს, რომ ის ქმარს საკონსულოსთან ელოდა, თუმცა ის შენობიდან აღარ გამოსულა. მოგვიანებით დადასტურდა, რომხაშოგი საკონსულო წარმომადგენლებთან ჩხუბის დროს დაიღუპა. აღნიშნული ბრალდებით თურქეთში 18 პირი დააკავეს. ხაშოგი წარმოშობით საუდის არაბეთიდანაა. ჟურნალისტი ერ-რიადის მიმართ კრიტიკული განცხადებებით არის ცნობილი. 2017 წელს მან სამშობლო დატოვა და საცხოვრებლად აშშ-ში გადავიდა. 

ცნობისთვის, თურქეთის ოპოზიციური პარტია „ვატანის“ ლიდერის დოგუ პერინჩეკის ინფორმაციით, საუდელი ჟურნალისტის ჯამა ხაშოგის სხეულის ნაწილები სტამბოლში, საუდის არაბეთის საკონსულოს ეზოში არსებულ ჭაში იპოვეს. 

ავტორი: ,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა