„საქართველოს პატრიოტების“  თავმჯდომარის, ირმა ინაშვილის განცხადებით, ფრაქციის დატოვების შესახებ დეპუტატ ნატო ჩხეიძის გადაწყვეტილება მისთვის მოულოდნელი იყო.

როგორც ინაშვილმა აღნიშნა, ჩხეიძესა და ფრაქციის წევრებს შორის არავითარ დაპირისპირებას არ ჰქონია ადგილი.

„გაოცებული ვარ იმით რასაც ვისმენ, იმიტომ, რომ ნამდვილად არ ველოდი ასეთ გადაწყვეტილებას. არავითარი დაპირისპირება ამ ორი წლის მანძილზე ჩვენს შორის არ ყოფილა. თუ ქალბატონი ნატო ჩხეიძე დატოვებს ჩვენს ფრაქციას, ცხადია დაიშლება ჩვენი ფრაქცია, მაგრამ ჩვენ გვაქვს გეგმა და ვიმოქმედებთ ამ გეგმის თანახმად“, - განუცხადა „რუსთავი 2“-ს ირმა ინაშვილმა.

შეგახსენებთ, პარლამენტის წევრი, ტელეკომპანია „იბერიას“ დამფუძნებელი ნატო ჩხეიძე, ფრაქცია „საქართველოს პატრიოტებს“ ტოვებს. მისი თქმით, დეტალებზე უფრო ვრცლად პარლამენტის პლენარულ სხდომაზე ისაუბრებს.

ავტორი: ,

სოციალური ქსელები

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს