გორის მუნიციპალიტეტის სოფელ ხელთუბანის მოსახლეობა საპროტესტო აქციას მართავს. 

აქციის მონაწილეები18 წლის თორნიკე მერებაშვილის გარდაცვალების საქმის სრულფასოვან გამოძიებას და მკვლელის დასჯას ითხოვენ. 

მოსახლეობამ პროტესტის ნიშნად, გორის ცენტრალური მაგისტრალის გადაკეტვა სცადეს, რაც სამართალდამცველებთან სიტყვიერ დაპირისპირებასა და შეხლა-შემოხლაში გადაიზარდა. ადგილზე ათობით პოლიციელია მობილიზებული.  

შეგახსენებთ, თორნიკე მერებაშვილი გორი-მეჯვრისხევის გზაზე, სოფელ ხელთუბნის მონაკვეთზე 6 ივლისს გარდაცვლილი იპოვეს. როგორც გარდაცვლილის მამა, მერაბ მერებაშვილი აცხადებს, მისი შვილი მოკლულია. მისივე თქმით, გარდაცვალებამდე თორნიკე მერებაშვილმა ბიძაშვილს დაურეკა და უთხრა, რომ დაჭრილი იყო და დახმარება სჭირდებოდა. შვილმკვდარი მამა შინაგან საქმეთა სამინისტროს გამოძიების არასწორი კუთხით წარმოებაში ადანაშაულებს 

შინაგან საქმეთა სამინისტროს ინფორმაციით, გამოძიება სსკ-ის 117-ე და 276-ე მუხლით მიმდინარეობს, რაც ჯანმრთელობის განზრახ მძიმე დაზიანებას და ტრანსპორტის უსაფრთხოების წესების დარღვევას გულისხმობს, რამაც ადამიანის სიცოცხლის მოსპობა გამოიწვია.

ავტორი: ,

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები