ამერიკის შეერთებული შტატების პრეზიდენტ დონალდ ტრამპს სირიის ლიდერის ბაშარასადის მოკვლა სურდა, - ამის შესახებ Reuters იუწყება.

გამოცემა იტყობინება, რომ ამის შესახებ Washington Post-ის რედაქტორმა ბობ ვუდვორდმა თავის წიგნში დაწერა. 

„შიში: ტრამპი თეთრ სახლში“ ასე ჰქვია ამერიკელი ჟურნალისტის ახალ წიგნს, რომელიც 11 სექტემბერს გამოვა. როგორც წიგნში წერია, 2017 წელს იდლიბში მომხდარი ქიმიური თავდასხმის შემდეგ, თეთრი სახლის ლიდერმა თავდაცვის მდივან ჯეიმს მეტისს ასადის მკვლელობა შესთავაზა. ამავე ინფორმაციით, მეტისი თავდაპირველად ტრამპს დაეთანხმა, თუმცა მოგვიანებით ამერიკის მიერ სირიაზე საჰაერო იერიშის გეგმა შეიმუშავა.

ამ ინფორმაციის გავრცელების შემდეგ, მეტისმა ჟურნალისტებთან უარყო, რომ ტრამპსა და მას შორის ასეთი საუბარი შედგა.

ბობ ვუდვორდი მსოფლიო საზაგადოებისთვის 1974 წელს გახდა ცნობილი, როდესაც ის კარლ ბერნშტეინთან ერთად უოტერგეიტის სკანდალს აშუქებდა.

ავტორი: ,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა