ფრანგ მსახიობ ჟერარ დეპარდიეს 22 წლის მსახიობი ქალი გაუპატიურებასა და სექსუალურ შევიწროებაში ადანაშაულებს, - ამის შესახებ Parisien იუწყება.

მედია საშუალების ინფორმაციით, პარიზის პროკურატურამ მომხდართან დაკავშირებით გამოძიება უკვე დაიწყო. სამართალდამცველებს შესაბამისი ინფორმაცია თავად ქალმა, 27 აგვისტოს მიმართა. გოგონას ვინაობა მედიაში არ სახელდება, თუმცა როგორც მან პოლიციაში განაცხადა, ჟერარ დეპარდიემ მასზე ორჯერ იძალადა. მისი მტკიცებით, ინციდენტები 7 და 13 აგვისტოს მოხდა, როდესაც დეპარდიეს სახლში, პარიზში, თეატრალური პიესის არაფორმალური რეპეტიცია მიმდინარეობდა. 

მედიის ცნობით, ჟერარ დეპარდიე გოგონას მამის მეგობარი იყო და ახალგაზრდას სამსახიობო კარიერაში დახმარებას ჰპირდებოდა.

თავის მხრივ მსახიობი ბრალდებებს უარყოფს. 

"ის შოკირებულია. ასეთი ტიპის ბრალდებები ეწინააღმდეგება მის პიროვნებას და ფასეულობებს. მისთვის ეს ყველაფერი მიუღებელია", - განაცხადა დეპარდიეს ადვოკატმა. 

ცნობისთვის, ფრანგმა მსახიობმა ჯერარ დეპარდიემ 2013 წელს ვლადიმერ პუტინისგან რუსეთის მოქალაქეობა მიიღო. 

ავტორი: ,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა