„ქართული ოცნების“ ცენტრალურ ოფისში საპარლამენტო უმრავლესობის სხდომა დასრულდა.

როგორც სხდომის შემდეგ ჟურნალისტებთან საპარლამენტო უმრავლესობის წევრმა, ოთარ დანელიამ განაცხადა, შეხვედრაზე Unicef-ის კვლევაზე ისაუბრეს.

რაც შეეხება სამთავრობო ცვლილებებს, დანელია აცხადებს, რომ ცვლილებებზე მსჯელობა არ ყოფილა.

„საუბარი იყო სტატისტიკურ მონაცემებზე, რომელიც გამოქვეყნდა. სამთავრობო ცვლილებებთან დაკავშირებით მსჯელობა არ ყოფილა. პირველ რიგში მინდა აღვნიშნო, რომ ვინაიდან ეს იყო შიდა შეხვედრა, რა თქმა უნდა არ არის სწორი ამ შეხვედრაზე გარეთ საუბარი. ამიტომ მე თავს შევიკავებ პოზიციის დაფიქსირებისგან. მაგრამ, უახლოეს მომავალში აუცილბელად დავაფიქსირებ ჩემს პირად პოზიციას“, - განაცხადა ოთარ დანელიამ.

შეგახსენებთ, საპარლამენტო უმრავლესობის შეხვედრა 3 საათის განმავლობაში მიმდინარეობდა. როგორც ცნობილი იყო, შეხვედრაზე მათ საკადრო ცვლილებებზე უნდა ემსჯელათ. ამასთან, დღეს „ექსპრესნიუსს“ სანდო წყარომ განუცხადა, რომ იუსტიციის მინისტრი თეა წულუკიანი და პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი თანამდებობებს ტოვებენ

ავტორი: ,

სოციალური ქსელები

“ქეშბექობანა” - ლიბერთის ლოიალობის პროგრამა Cashback-ის და VISA-ს განსაკუთრებული შეთავაზებები ბავშვებისთვის

ბრიტანული დაზვერვა: უკრაინაში ომში თითქმის ნახევარი მილიონი რუსი ჯარისკაცი დაიღუპა

აშშ-ის სახელმწიფო დეპარტამენტის დელეგაციასთან კოალიცია ცვლილებისთვის ლიდერებმა შეხვედრა გამართეს

1 ივნისის შეთავაზებები მოსწავლეებისთვის საქართველოს ბანკის sCoolApp-ში