2018-06-10 18:49:18, 840 ნახვა

---

სარალიძე: მოვუწოდებ მმართველ გუნდს, ჩვენთან ერთად დადგნენ სცენაზე და შეებრძოლონ უსამართლობის წინააღმდეგ ბრძოლას

პარლამენტთან მიმდინარე აქციაზე, ხორავას ქუჩაზე მოკლური ერთ-ერთი არასრულწლონის მამა, ზაზა სარალიძე მივიდა.

მან აქციის მონაწილეებს სიტყვით მიმართა და მოსვლისთვის მადლობა გადაუხადა.

სიტვით გამოსვლამდე სარალიძემ მომიტინგეებს თხოვნით მიმართა, წუთიერი დუმილით, პატივი მიეგოთ გომბორში, ავტოსაგზაო შემთხვევის დროს დაღუპულების ხსოვნას.

ზაზა სარალიძემ მმართველ გუნდს  გამოსვლისკენ მოუწოდა.

„მოვუწოდებ მმართველ გუნდს ჩვენთან ერთად დადგნენ სცენაზე და ჩვენთან ერთად შეებრძოლონ უსამართლობის წინააღმდეგ ბრძოლას. იქიდან გამომდინარე რომ ყველასთვის კარი არის ღია, ვისაც სამართლიანობის აღსადგენად ბრძოლა წყურია. მოვიდეს ნებისმიერი. არავის ხელს არ ვკრავთ ჩვენ. აბსოლუტურად ყველა ადამინი. აი ვნახოთ, თუ გული უძგერთ და შეტკივათ ჩვენი შვილების ჭირი, ვთხოვ რომ მობრძანდნენ, დაგვიდგენ გვერდით“,- განაცხადა სარალიძემ.

 აქციაზე, ასევე იმყოფება მალხაზ მაჩალიკაშვილიც. 

 შეგახსენებთ, რომ პარლამენტთან, ოპოზიციური პარტიების ორგანიზებით ზაზა სარალიძისა და მალხაზ მაჩალიკაშვილის მხარდამჭერი აქცია „ნუ მომკლავ!“ მიმდინარეობს.

 

---

ავტორი: ,

---

დღის თემა

მთავარი თემა

ინტერვიუ - ექსკლუზივი