ღაზას სექტორის საზღვართან ისრაელის უსაფრთხოების ძალებთან შეტაკებას 52 პალესტინელი ემსხვერპლა, 

დაშავებულთა რიცხვი ორი ათასს აჭარბებს. ასზე მეტ ადამიანს ცეცხლსასროლი იარაღიდან აქვს ჭრილობა მიღებული. გარდაცვლილთა შორის კი 12, 14 და 16 წლის მოზარდებიც არიან.

არეულობა ისრაელსა და ღაზას სექტორის საზღვარზე იერუსალიმში აშშ-ის საელჩოს გახსნამდე რამდენიმე საათით ადრე დაიწყო. იერუსალიმში აშშ-ის საელჩოს გახსნის ცერემონია გუშინ გაიმართა. 

ისრაელის საზღვართან რამდენიმე ათასი პალესტინელი შეიკრიბა. მათგან რამდენიმემ ისრაელის ჯარისკაცებს ქვები ესროლა და ისრაელის ტერიტორიაზე გადასვლა სცადა, რა დროსაც ისრაელის უსაფრთხოების ძალებმა აქციის მონაწილეებს ცეცხლი გაუხსნეს.

პალესტინის ჯანდაცვის მინისტრო ამბობს, რომ ისრაელის სამხედრო ძალების მიერ მოკლული პალესტინელების რიცხვი თანდათანობით იზრდება.

თავისმხრივ ისრაელის მხარე აცხადებს, რომ პალესტინელები არ დაუხოცავს და მათ წინააღდეგ ცრემლსადენი გაზი გამოიყენა. ღაზის სექტორში მთლიბანობაში 35 ათასამდე ადამიანია შეკრებილი. 
ისრაელში ამბობენ, რომ საზღვრის გადალახვის უკანონო მცდელობას ნებისმიერ ფასად შეაჩერებენ. თავის მხრივ, პალესტინელები აცხადებენ, რომ ტერიტორიას არასდროს დათმობენ.

ცნობისთვის, აშშ-ს  გადაწყვეტილებას დიდი ბრიტანეთი, თურქეთი და ეგვიპტე გმობენ. ღაზა-ისრაელის საზღვარზე მიმდინარე მოვლენებს „აღმაშფოთებელს“ უწოდებს გაერო.

პალესტინის საგარეო საქმეთა სამინისტრომ აშშ საერთაშორისო სამართლით დადგენილი ნორმების დარღვევაში დაადანაშაულა. გაეროში პალესტინის წარმომადგენელი რიად მანსური უშიშროების საბჭოს საგანგებო შეხვედრისკენ მოუწოდა. 

ავტორი: ,

სოციალური ქსელები

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა

ადვოკატის ცნობით, დააკავეს მოქალაქე, რომელზეც გორში პოლიციელებმა იძალადეს