სომხეთის მმართველი გუნდი მზად არის ოპოზიციაში გადავიდეს, თუ ქვეყნის პრემიერ-მინისტრად საპროტესტო აქციების ლიდერს, ნიკოლ ფაშინიანს აირჩევენ, - ამის შესახებ ფრაქცია "რესპუბლიკელების" თავმჯდომარემ ვაგრამ ბაგდასარიანმა განაცხადა.

"რია ნოვოსტის" ინფორმაციით, ბაგდასარიანმა აღნიშნა, რომ მმართველი გუნდი არასდროს შეუქმნის საფრთხეს ქვეყნის მომავალს.

"ის ვინც მოდის პოლიტიკაში და ხელისუფლების სადავეებთან დარჩენა სურს, ამას ინტერესის გამო აკეთებს. არავის აქვს გარანტია - შეიძლება დღეს იყოს ხელისუფლებაში, ხვალ კი, ოპოზიციაში. რა თქმა უნდა მზად ვართ ოპოზიციაშიც ვიყოთ. ჩვენი ოპონენტებისგან განსხვავებით მზად ვართ დავინახოთ პოზიტივი და ნეგატივი გავაკრიტიკოთ. ასევე მზად ვართ დიალოგისთვის, რათა პრობლემები მოგვარდეს" , - განაცხადა მმართველი გუნდის წევრმა.

ცნობისთვის, 8 მაისს სომხეთში პრემიერ-მინისტრის არჩევის მეორე ტური გაიმართება. პრემიერობის ერთადერთი კანდიდატი ოპოზიციონერი დეპუტატი ნიკოლ ფაშინიანია.

ავტორი: ,

სოციალური ქსელები

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა

ადვოკატის ცნობით, დააკავეს მოქალაქე, რომელზეც გორში პოლიციელებმა იძალადეს