აჭარის მთავრობის თავმჯდომარემ ზურაბ პატარაძემ გაცნობითი ხასიათის შეხვედრა გამართა აზერბაიჯანის რესპუბლიკის გენერალურ კონსულთან ბათუმში პარვიზ ისმაილზადასთან.

შეხვედრაზე მხარეებმა ორმხრივი თანამშრომლობის მიმართულებები და მათი განვითარების პერსპექტივები მიმოიხილეს. ხაზი გაესვა ორ ქვეყანას შორის არსებული კეთილმეზობლური ურთიერთობების მნიშვნელობას და რეგიონული თანამშრომლობის კიდევ უფრო გაღრმავების აუცილებლობას.

აზერბაიჯანი საქართველოს სტრატეგიული პარტნიორია. აქტიურია ქვეყნებს შორის თანამშრომლობა როგორც კულტურულ-საგანმანათლებლო, ასევე სავაჭრო-ეკონომიკურ და თავდაცვის სფეროებში.

ზურაბ პატარაძის თქმით, დინამიურად ვითარდება ქვეყნებს შორის თანამშრომლობა რეგიონულ დონეზე ტურიზმის, ჯანდაცვის, განათლების, კულტურისა და ეკონომიკის სფეროებში. „ჩვენ დიდ მნიშვნელობას ვანიჭებთ ბაქო-თბილისი-ყარსის რკინიგზის პროექტს, რომელიც შექმნის პირდაპირ სარკინიგზო კავშირს ევროპასა და აზიას შორის. ყოველწლიურად მზარდია აზერბაიჯანიდან ტურისტების რაოდენობა და იგი ერთ-ერთ მოწინავე ადგილს იკავებს როგორც ქვეყნის, ისე რეგიონის მასშტაბით"- აღნიშნა ზურაბ პატარაძემ.

აჭარის მთავრობის თავმჯდომარემ აზერბაიჯანის გენერალურ კონსულთან საინვესტიციო და ეკონომიკური მიმართულებით თანამშრომლობის გააქტიურებას გაუსვა ხაზი. ბიზნეს-სექტორის წარმომადგენლებს შორის უფრო მეტი კონტაქტების დასამყარებლად ერთობლივი ეკონომიკური ფორუმების ჩატარება დაიგეგმა. საუბარი შეეხო ასევე აზერბაიჯანიდან ბათუმის მიმართულებით პირდაპირი ფრენების საკითხს.

(NS)

ავტორი: ,

სოციალური ქსელები

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“

რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა