„ნაციონალური მოძრაობის“ წევრმა რომან გოცირიძემ, საგარეო საქმეთა სამინისტროს მიერ ქვეყნიდან რუსი დიპლომატის გაძევების გადაწყვეტილებას დაგვიანებული, მაგრამ სწორი ნაბიჯი უწოდა.

როგორც  გოცირიძემ „ ექსპრესნიუსს“ განუცხადა, დიპლომატის გაძევების ერთ-ერთი მიზეზი ოპოზიციის ზეწოლა იყო.

„საქართველოდან რუსი დიპლომატის გაძევება არის სწორი ნაბიჯი, თუმცა ცუდია რომ დაგვიანებით მოხდა, რაც ხელმძღვანელობის ყოყმანის შედეგია და ეს შეიძლება, მოწინააღმდეგემ სისუსტედ აღიქვას. დიპლომატის გაძევების ერთ-ერთი მიზეზი იყო ოპოზიციის ზეწოლა. როდესაც მოვუწოდებდით ეს დღეები რომ გადაედგა ისეთი ნაბიჯი, რომლაც  აკეთებდა მთელი ცივილიზებული მსოფლიო. ასე რომ ეს სწორი ნაბიჯია“,- განაცხადა გოცირიძემ.

მისივე თქმით, ეს გადაწყვეტილება, შესაძლოა, ჟენევის მოლაპარაკებების უშედეგოდ დასრულებასთანაც იყოს კავშირში.

„ეს გადაწყვეტილება შესაძლოა ჟენევის მოლაპარაკებების უშედეგოდ დასრულებასთან იყოს კავშირში. იმიტომ რომ რუსეთის დამამცირებელი განცხადებები ისმოდა.  მას შემდეგ რაც პრემიერმა კვირიკაშვილმა მორჩილი ტექსტი გააგზავნა და საპასუხოდ მიიღო დაცინვა. როდესაც, რიგითმა თანამშრომელმა უპასუხა რუსეთის საგარეო საქმეთა სამინისტროდან. ისევე როგორც ტატუნაშვილის ცხედართან დაკავშირებით არსებული პრობლემები, როცა ჭიანურდებოდა მისი გადმოცემის საკითხი დ ასევე, ჟენევაში რუსეთის არაკონსტრუქციული ქცევები და ეს ყველაფერი რა თქმა უნდა ახდენდა გავლენას. მაგრამ რაცარუნდა აახდენდეს გავლენას, მთავრობას უნდა ქონდეს საკუთარი მკაფიო პოზიცია და კუდში არ უნდა მისდევდეს პროცესებს,  მას შემდეგ რაც ევროპის ქვეყნების უმრავლესობამ მიიღო მსგავსი გადაწყვეტილება“,- აღნიშნა საპარლამენტო უმცირესობის წევრმა.

ავტორი: ,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა