რუსეთის დაზვერვის ყოფილი აგენტის, სერგეი სკრიპალის მოწამვლაზე პასუხისმგებლობა ვლადიმერ პუტინს ეკისრება, - ამის შესახებ ამერიკის შეერთებული შტატების თავდაცვის მდივნმა, ჯეიმს მატისმა განაცხადა.

მისი თქმით, რუსეთმა ევროპაში ქიმიური ნივთიერება მეორე მსოფლიო ომის შემდეგ პირველად გამოიყენა.

„კიდევ ერთი პრობლემა, რომელიც ჩვენ წინაშე დადგა, არის აშკარა, რომ რუსეთმა მეორე მსოფლიო ომის შემდეგ, ევროპაში პირველად გამოიყენა ქიმიური იარაღი, რომელი მასობრივი განადგურებისთვის გამოიყენება“,- განაცხადა მატისმა.

აშშ-ს თავდაცვის მდივანმა, სკრიპალის მოწამვლის ფაქტს „დაუფიქრებელი ქმედება“ უწოდა. მატისის თქმით, იმის სანაცვლოდ, რომ მეგობრული ურთერთობა შეენარჩუნებინა ნატოსა და ევროკავშირთან, მოსკოვმა კონფრონტაციის გზა აირჩია.

ამასთან, მატისმა რუსი დიპლომატების გაძევება დადებითად შეაფასა და აღნიშნა, რომ მსოფლიო რუსეთის წინააღმდეგ გაერთიანდა.

შეგახსენებთ, რომ სერგეი სკრიპალი და მისი შვილი იულია 4 მარტს დიდი ბრიტანეთის ქალაქ სოლსბერის სავაჭრო ცენტრში უგონო მდგომარეობაში იპოვეს და საავადმყოფოში გადაიყვანეს. პოლკოვნიკი სერგეი სკრიპალი 1999 წლამდე რუსეთის გენერალური შტაბის დაზვერვის მთავარ განყოფილებაში მუშაობდა. 2006 წელს მას ბრიტანეთის დაზვერვის სასარგებლოდ ჯაშუშობისთვის 13 წლით თავისუფლების აღკვეთა მიუსაჯეს. 2010 წელს ის რუსულ, ამერიკულ და ბრიტანულ სპეცსამსახურებს შორის გაცვლის ოპერაციის ფარგლებში შეიწყალეს.

ავტორი: ,

სოციალური ქსელები

უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა

პაპუაშვილი - 26 მაისის საპროტესტო აქცია რადიკალური ოპოზიციისთვის სიკვდილით დასჯად იქცა

პროკურატურამ საბავშვო ბაღში ბავშვის ცემაში ეჭვმიტანილ მასწავლებელს ბრალდება წარუდგინა

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო