ჩვენი მიზანია, რომ ნატოს სამიტზე, რომელიც ბრიუსელში ივლისში გაიმართება, საქართველო წარსდგეს, როგორც წარმატებული ასპირანტი, ნატოში წევრობის კანდიდატი ქვეყანა, თავისი რეფორმებით და ჩვენი წარმატება აისახოს ღია კარის პოლიტიკის კონტექსტში, - ამის შესახებ საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ ნატო-ში ინტეგრაციის კოორდინაციის სახელმწიფო კომისიის სხდომის შემდეგ განაცხადა, რომელიც პრემიერ-მინისტრის თავმჯდომარეობით გაიმართა.

მინისტრის შეფასებით, სახელმწიფო კომისია წარმოადგენს ფორმატს, რომელიც ახდენს ქვეყნის შიგნით ნატოში ინტეგრაციის პროცესში საჭირო რეფორმების კოორდინაციას.

„ჩვენ დღეს დავამტკიცეთ 2018 წლის წლიური ეროვნული პროგრამა. 2017 წლის პროგრამა ჩვენ წარმატებით შევასრულეთ და ეს აღინიშნა იანვრის ბოლოს გამართულ ნატო-საქართველოს კომისიის სხდომაზე. საქართველო წარმატებით აგრძელებს იმ რეფორმებს, რომლებიც ნატოში წევრობისთვის მნიშვნელოვანია. ეს არის დემოკრატიული რეფორმები, ეკონომიკური და თავდაცვის სფეროში რეფორმები. საქართველო, ასევე წარმატებით იყენებს ყველა ინსტრუმენტს, რომელსაც ჩვენ მივყავართ ნატოში წევრობისკენ. ეს წარმატება აღიარებულია ნატოს წევრი ქვეყნების მიერ. ჩვენი მიზანია, რომ ნატოს სამიტზე, რომელიც ბრიუსელში ივლისში გაიმართება, საქართველო წარსდგეს, როგორც წარმატებული ასპირანტი, ნატოში წევრობის კანდიდატი ქვეყანა, თავისი რეფორმებით და ჩვენი წარმატება აისახოს ღია კარის პოლიტიკის კონტექსტში, ასევე, გაძლიერდეს ჩვენი პრაქტიკული თანამშრომლობა. ნატო და ნატოს წევრი ქვეყნები საქართველოს ძალიან მნიშვნელოვან პრაქტიკულ მხარდაჭერას უწევენ ყველა ინსტრუმენტის განხორციელების პროცესში. ეს აძლიერებს ჩვენს თავდაცვისუნარიანობას და ასევე, ზრდის ჩვენს თავსებადობას ნატოს სტანდარტებთან",- აღნიშნა მიხეილ ჯანელიძემ.

ცნობისთვის, სამთავრობო სტრუქტურაში ბოლო პერიოდში განხორციელებული ცვლილებების შედეგად, ნატო-ში ინტეგრაციის კოორდინაციის სახელმწიფო კომისიის თავმჯდომარის ფუნქცია ვსაგარეო საქმეთა მინისტრმა ჩაიბარა.

ავტორი: ,

სოციალური ქსელები

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა

ადვოკატის ცნობით, დააკავეს მოქალაქე, რომელზეც გორში პოლიციელებმა იძალადეს