იპოდრომის მიმდებარე ტერიტორიაზე კორპუსების განაშენიანების რეგულირების გეგმის დამტკიცების საკითხი საკრებულომ მერიაში დააბრუნა.
ამის შესახებ გადაწყვეტილება გარემოს დაცვისა და ურბანული დაგეგმარების კომისიების გაერთიანებულ სხდომაზე მიიღეს. ურბანული დაგეგმარების კომისიის თავმჯდომარის, გოჩა ბაბუნაშვილის განცხადებით, განაშენიანების გეგმა არქიტექტურის სამსახურმა ხელახლა უნდა დაამუშაოს.
„ეს ადგილი რეკრეაციული ზონაა, გვინდა, რომ იქ მწვანე ზონა შევინარჩუნოთ და მოსახლეობა მართალია, როდესაც ამბობს, რომ ეს ყოველთვის რეკრეაციული ზონა იყო და მრავალწლიანი ხეები დგას იქ. წესი შესაცვლელია, რომ სანამ არ იქნება საკრებულოსგან მიღებული გადაწყვეტილება, არცერთი ხე და ბუჩქი არ უნდა მოიჭრას ქალაქში. რაც შეეხება მოჭრილ ხეებს, სავარაუდოდ, მშენებლის მიერ ამ საკითხის დარღვევა მოხდა და ხეები ძალიან სწრაფად მოიჭრა“, - განაცხადა გოჩა ბაბუნაშვილმა.
შეგახსენებთ, საკრებულოში გარემოს დაცვისა და ურბანული დაგეგმარების გაერთიანებულ სხდომაზე იპოდრომის მიმდებარე ტერიტორიაზე, თამარაშვილის ქუჩაზე კორპუსების განაშენიანების რეგულირების გეგმის დამტკიცების საკითხს განიხილავდნენ. გარემოს დაცვითმა არასამთავრობო ორგანიზაციებმა და თამარაშვილის ქუჩის მცხოვრებლებმა კი საკრებულოსთან ხეების მოჭრა და მრავალსართულიანი კორპუსების მშენებლობა გააპროტესტეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“