2018-02-25 10:46:00, 2627 ნახვა

---

გაერო-ს უშიშროების საბჭომ სირიაში ცეცხლის შეწყვეტის 30-დღიანი რეჟიმის გამოცხადების შესახებ რეზოლუცია მიიღო

გაერო-ს უშიშროების საბჭომ სირიაში ცეცხლის შეწყვეტის 30-დღიანი რეჟიმის გამოცხადების შესახებ რეზოლუცია მიიღო.

BBC-ის ცნობით, გაერო ამ დროს ჰუმანიტარული დახმარების ჩასატანად და დაჭრილების ევაკუაციისთვის გამოიყენებს.

რეზოლუციის მიღება რუსეთის წინააღმდეგობის გამო ორჯერ გადაიდო. გაეროში რუსეთის ელჩმა ვასილი ნებენზიამ შვედეთისა და ქუვეითის პროექტს არარეალისტური უწოდა. მანამდე რეზოლუციის პროექტი გააკრიტიკა რუსეთის საგარეო საქმეთა მინისტრმა სერგეი ლავროვმა.

დოკუმენტის ავტორები შვედეთი და ქუვეითი არიან.  რეზოლუციის თანახმად, ცეცხლის შეწყვეტის რეჟიმი არ გავრცელდება ე.წ. „ისლამურ სახელმწიფოსა“ და სხვა ტერორისტულ დაჯგუფებებზე.

აღმოსავლეთ ღუტას მეამბოხეები აკონტროლებენ. ქალაქი 4 წელზე მეტია ალყაში იმყოფება. ამ რეგიონში 400 000-მდე ადამიანი ცხოვრობს, რომლებსაც ჰუმანიტარული დახმარება სჭირდება.  ღუტას რაიონში ბოლო 7 დღის განმავლობაში სირიაში ავიადარტყმებს 500-ზე მეტი ადამიანი ემსხვერპლა.

აშშ-ის სახელმწიფო დეპარტამენტმა აღმოსავლეთ ღუტაში სისხლისღვრაზე პასუხისმგებლობა რუსეთს დააკისრა.

Ambassador Haley at #UNSC on #Syria: This resolution marks a moment of Council unity that we must seize and maintain beyond the 30-day timeframe. We hope this resolution will be a turning point where Russia will join us in pushing for the political settlement to this conflict. pic.twitter.com/Gkn2NZc48n

— Department of State (@StateDept) 24 февраля 2018 г.

---

ავტორი: ,

---

დღის თემა

მთავარი თემა

ინტერვიუ - ექსკლუზივი