გარემოს დაცვისა და სოფლის მეურნეობის მინისტრი ლევან დავითაშვილი ქვეყანაში დიზელის საწვავის შესაძლო  აკრძალვის საკითხს გამოეხმაურა. დავითაშვილის თქმით, საუბარია არა დიზელის შემოტანის აკრძალვაზე, არამედ დიზელთან დაკავშირებით  საქართველოში არსებული ხარისხის სტანდარტის გამკაცრებაზე:

„„მართლაც ასეა, საქართველოში მძიმე მრეწველობა არც ისეთი მასშტაბით არის წარმოდგენილი, თუ საქართველოში დაბინძურების წყაროებს გავაანალიზებთ, ეს არის ძირითადად ტრანსპორტიდან მომავალი, საწვავიდან მომავალი, თუმცა სიტუაცია ნორმალურია. იცით, რომ მონიტორინგის კუთხით ინფრასტრუქტურა იქმნება, დღეს უკვე ჩვენს ინფორმაციას შეგვიძლია დავეყრდნოთ, რადგან საქართველოს სხვადასხვა კუთხეში სადგურები გაკეთდა, მათ შორის თბილისში, ამავე დროს ძალიან მოკლე ხანში დიღომში ლაბორატორია გაიხსნება, სადაც ყველა ეს ინფორმაცია თავს იყრის, ჩვენ ანალიზს გავაკეთებთ და გვინდა, რომ საზოგადოებას ამაზე რეგულარული ინფორმაცია მივაწოდოთ ხოლმე, თუ როგორია ჰაერის სისუფთავე საქართველოში, თუ დაბინძირების დონე. მინდა გითხრათ, ძირითადად არის ნორმალური, მისაღები ფონი, კარგი ფონიც. ადრე იყო კვლევები, რომელიც ამბობდა, რომ თბილისი დაბინძურებული ქალაქია, თუმცა ეს კვლევები ეფუძნებოდა ძველ ინფორმაციას, ძველ კვლევებს, იმ დრომდე, ვიდრე საქართველოშ შემოვიდა უფრო მაღალი ხარისხის სტანდარტი ევრო 5, იგივე ბენზინთან დაკავშირებით, თუმცა დიზელთან დაკავშირებით ჩვენ ჯერ არ გვაქვს შემოღებული. საუბარი იყო, რომ ჩვენ გვაქვს რაღაც სტანდარტი დიზელთან დაკავშირებით და ის სტანდარტი კიდევ უფრო გავამკაცროთ, ამაზე რა თქმა უნდა მუშაობა მიდის, მათ შორის ბიზნესთან და ჩვენ ამ ეტაპსაც გავივლით და ნაბიჯსაც გადავდგავთ. რა თქმა უნდა დიზელის ტოტალურ აკრძალვაზე არავინ საუბრობს”,-განაცხადა ლევან დავითაშვილმა.

შეგახსენებთ, „თიბისი ბანკის“ დამფუძნებელმა და სამეთვალყურეო საბჭოს თავმჯდომარე მამუკა ხაზარაძემ  ბიზნესასოციაციის წევრებსა და პრემიერ-მინისტრს შორის გამართული შეხვედრის შემდეგ  განაცხადა, რომ შეხვედრაზე მოითხოვა, საქართველოში აარაკონდიცირებული საწვავის შემოტანა აიკრძალოს.

„ეს ეხება დიზელის საწვავს, რომელიც არის ყველაზე დიდი გამომწვევი ქალაქებში, კერძოდ თბილისში ჰაერის დაბინძურების. 67% მოდის დაბინძურების საწვავზე. სწორად იქნა ეს აღქმული და დაგვპირდნენ, რომ გადაიჭირება ეს პრობლემა. სოფლის მეურნეობის მინისტრმა განაცხადა, რომ უახლოეს ხანებში ვიხილავთ საინტერესო და მკაცრ ნაბიჯებს ეკოლოგიის გაუმჯობესების მიმართულებით. ჩვენ უნდა ვაშენოთ ხარისხიანი ქვეყანა და ხარისხი პირველ რიგში იწყება იმით, რასაც ვსუნთქავთ და რასაც მივირთმევთ“, - განაცხადა მამუკა ხაზარაძემ.

ავტორი: ,

სოციალური ქსელები

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო

თიბისი კონცეპტი წარმოგიდგენთ თბილისის საერთაშორისო თეატრალურ ფესტივალს

კალაძე: ორი წლის წინ რეაბილიტირებულ მეტროსადგურ „ავლაბარში“ წყალი ისე ჩადიოდა, როგორც გარეთ, შეისწავლეთ საკითხი

Washington Post: აშშ-ს ყოფილი მოკავშირე საქართველო ირანის ორბიტაზე ექცევა