ამერიკის შეერთებული შტატების 2016 წლის საპრეზიდენტო არჩევნებში რუსეთის შესაძლო ჩარევის საქმეზე გენერალური პროკურორი ჯეფ სეშნსი დაიკითხა. 

BBC-ის ინფორმაციით, სეშნსი სპეციალურმა პროკურორმა, რობერტ მუელერმა გასულ კვირას დაკითხა. 

სეშნსი ტრამპის ადმინისტრაციის პირველი მოქმედი წევრია, რომელმაც ამ საქმეზე ჩვენება მისცა.  გამოძიება დაინტერესებულია კავშირით, მთავარ პროკურორსა და აშშ-ში რუსეთის ყოფილ ელჩს, სერგეი კისლიაკს შორის, საპრეზიდენტო არჩევნების მსვლელობისას.

მუელერს ეროვნული უსაფრთხოების საკითხებში ყოფილი მრჩევლის მაიკ ფლინისა და ჯეიმს კომის სამსახურიდან განთავისუფლების გადაწყვეტილების გამო, ახლო მომავალში ტრამპის დაკითხვაც სურს. ტრამპმა განაცხადა, რომ „სულაც არ ღელავს ამ საკითხთან დაკავსირებით“.  თუმცა, ანონიმური წყაროს ცნობით, ტრამპის  ადვოკატები პრეზიდენტის ენთუზიაზმს არ იზიარებენ და დაკითხვის წინააღმდეგები არიან.

აშშ-ის იუსტიციის სამინისტრომ, ამერიკის 2016 წლის არჩევნებში რუსეთის შესაძლო ჩარევის საქმეში სპეციალურ პროკურორად, გამოძიების ფედერალური ბიუროს ყოფილი დირექტორი რობერტ მიულერი 16 მაისს დანიშნა.

აშშ რუსეთს საპრეზიდენტო არჩევნების დროს დემოკრატიული პარტიის მონაცემთა ბაზის გატეხვასა და ინფორმაციის „ვიკილიქსისთვის“ გადაცემაში ადანაშაულებს.

ავტორი: ,

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის