ამერიკის შეერთებული შტატების ფედერალური უწყებების მუშაობა დაფინანსების არარსებობის გამო შეჩერებულია, - ამის შესახებ Reuters იუწყება.

მედია საშუალების ინფორმაციით, ბიუჯეტის დასამტკიცებლად 100 შესაძლო ხმიდან 60 დეპუტატის ხმა იყო საჭირო, თუმცა პროექტს მხარი მხოლოდ 50 კანონმდებელმა დაუჭირა. ამ ეტაპზე სენატში კანონპროექტის ახალ ვერსიაზე მსჯელობენ.

სახელმწიფო უწყებების მუშაობა 20 იანვარს, ღამის 12:00 საათზე გაჩერდა და მანამდე არ აღდგება, სანამ ბიუჯეტი არ დამტკიცდება.

 „ეს ძალიან ცუდად ჩანს ჩვენი თავდაცვისა და უსაფრთხოების თვალსაზრისით, განსაკუთრებით სამხრეთ საზღვრებზე“,- წერს ქვეყნის პრეზიდენტი დონალდ ტრამპი Twitter-ის საკუთარ გვერდზე. აღნიშნული საკითხი თეთრი სახლის ადმინიტრაციამაც გააკრიტიკა.

დაფინანსების შეწყვეტა ნიშნავს ყველა სახელმწიფო უწყების მუშაობის გაჩერებას, ექსტრემალური სამსახურების გარდა. ესენია: ეროვნული უსაფრთხოების სამსახური, ფოსტა, საჰაერო სივრცის კონტროლი, მუნიციპალირი სამედიცინო დაწესებულებები, სასწრაფო დახმარება, სტიქიური უბედურების დახმარების სამსახური, სასჯელაღსრულების დაწესებულებები და ელექტროენერგეტიკული სამსახურები. დანარჩენი ფედერალური სამსახურების თანამშრომლები ამ დროისთვის უხელფასო შვებულებაში არიან.

ცნობისთვის, ანალოგიური სიტუაცია ამერიკა 2013 წელსაც შეიქმნა. მაშინ უწყებების მიერ მუშაობის შეჩერება 16 დღის განმავლობაში გაგრძელდა. სხვადასხვა მონაცემებით, ამ 16 დღე ამერიკას 20 მილიარდი დოლარი დაუჯდა.

ავტორი: ,

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის