2018-01-16 12:14:30, 2250 ნახვა

---

NDI: გამოკითხულთა უმრავლესობა რუსული პროპაგანდის გავრცელების საშუალებად ქართულ სატელევიზიო არხებს ასახელებს

ეროვნულ-დემოკრატიული ინსტიტუტის (NDI) 2017 წლის დეკემბერში ჩატარებული საზოგადოებრივი აზრის კვლევის შედეგების თანახმად, გამოკითხულთა  უმრავლესობა 53% ამბობს, რომ საქართველოში რუსული პროპაგანდა არსებობს.

29% აღნიშნავს, რომ საქართველოში ევროკავშირიდან მომავალი პროპაგანდაა, 28% კი აცხადებს, რომ საქართველოში  აშშ-დან მომავალი პროპაგანდა არსებობს.

ასევე, გამოკითხულთა უმრავლესობას, 53%-ს, მიაჩნია, რომ საქართველოში რუსული პროპაგანდა ქართულენოვანი სატელევიზიო არხების მეშვეობით ვრცელდება.32% რუსული პროპაგანდის გავრცელების საშუალებად პოლიტიკურ პარტიებს  ასახელებს, 28%-ინტერნეტს, 12%-სამოქალაქო საზოგადოებას,  ხლო 11% არაქართულენოვან  სატელევიზიო არხებს.

ასევე გამოკითხულთა უმრავლესობა ფიქრობს, რომ  ევროკავშირიდან და აშშ-დან მომავალი პროპაგანდის წყარო  ქართულენოვანი სატელევიზიო არხებია.

NDI-მ და CRRC–საქართველომ დღეს კვლევის შედეგების პირველი ნაწილი  წარადგინეს.მეორე ნაწილს კი ხუთშაბათს გამოაქვეყნებენ.

კვლევის საველე სამუშაოები 29 ნოემბერი-19 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 2,298 პირისპირ ინტერვიუს წარმომადგელობითი შერჩევის საფუძველზე ჩატარდა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი