ირანის გუშაგთა საბჭოს გენერალმა მეჯ გენ მოჰამედ ალი ჯაფარიმ, სახელმწიფოს მხარდამჭერ აქციაზე,  "ამბოხის" დამარცხების შესახებ განაცხადა, - ამის შესახებ BBC იუწყება.

ირანის სახელმწიფო ტელევიზია იტყობინება, რომ ხელისუფლების მხარდამჭერ აქციებში ასობით ათასი ადამიანი მონაწილეობდა. 

„ჩვენმა მტრებმა უნდა იცოდნენ, რომ ირანის წინააღმდეგ სამხედრო საფრთხეები ან უსაფრთხოების საფრთხეები არ იმუშავებს. დღეს შეგვიძლია ვთქვათ, რომ არეულობა დასრულდა და აჯანყება ჩახშობილია“, - აღნიშნა ჯაფარიმ. 

მომიტინგეები აშშ-ის, საუდის არაბეთისა და ისრაელის საწინააღმდეგო ლოზუნგებს სკანდირებდნენ. ირანის მთავრობაში მიიჩნევენ, რომ სწორედ ეს სამი ქვეყანა არის ირანში გამართული მრავალათასიანი ანტისამთავრობო აქციების ორგანიზატორი.მათივე მტკიცებით, ეს ქვეყნები აქციების მონაწილეებს აფინანსებენ და იარაღსაც აწვდიან.

შეგახსენებთ, რომ ანტისამთავრობო აქციები ირანში 28 დეკემბერს დაიწყო. ბოლო მონაცემებით, შეტაკებების დროს დაიღუპა 22 ადამიანი. 

ავტორი: ,

სოციალური ქსელები

თბილისში დიდი საპროტესტო მსვლელობა მიმდინარეობს

სებ: ბრიტანეთის სანქციებში მითითებული სუბიექტები ეროვნული ბანკის მიერ რეგულირებული არ არიან

ბრიტანეთმა 3 საქართველოში რეგისტრირებულ კომპანიას შეზღუდვები დაუწესა

საქართველოს ბანკის გზავნილი ემიგრანტებს დამოუკიდებლობის დღესთან დაკავშირებით