საფრანგეთში მატარებლისა და სასკოლო ავტობუსის შეჯახების შედეგად დაღუპულთა რიცხვი ექვსამდე გაიზარდა. 

შემთხვევა ქალაქ პერპინიანში მოხდა.

მედიის ცნობით, ავტობუსში13-დან 17 წლამდე ასაკის მოსწავლეები იმყოფებოდნენ.

პროკურორი აცხადებს, რომ დაღუპული და დაშავებული ბავშვების ამოცნობა ჯერ კიდევ ვერ ხერხდება. დაშავებულთაგან ყველაზე პატარა 7 წლისაა, ყველაზე უფროსი კი 15-ის. მატარებლის მგზავრებიდან და პერსონალიდან არავინ დაშავებულა, თუმცა ბევრ მათგანს ფსიქოლოგის დახმარება დასჭირდათ.

თვითმხილველების თქმით, ავტობუსი გადასასვლელზე მაშინ აღმოჩნდა, როდესაც შლაგბაუმი უკვე დაშვებული იყო. ძლიერი დარტყმის შედეგად ავტობუსი 2 ნაწილად გაიყო.

შემთხვევის ადგილზე ჩავიდა საფრანგეთის პრემიერ-მინისტრი ედუარდ ფილიპი. დაღუპულთა ოჯახებს ქვეყნის პრეზიდენტმა ემანუელ მაკრონმაც მიუსამძიმრა.

ავტორი: ,

სოციალური ქსელები

ბრიტანეთმა 3 საქართველოში რეგისტრირებულ კომპანიას შეზღუდვები დაუწესა

საქართველოს ბანკის გზავნილი ემიგრანტებს დამოუკიდებლობის დღესთან დაკავშირებით

თსუ-სთან საპროტესტო აქციის მონაწილეები იკრიბებიან

პრეზიდენტი მატარელა: იტალია ყურადღებით აკვირდება საქართველოს ევროკავშირში გაწევრიანების გზას