2017-12-05 14:01:03, 2029 ნახვა

---

უკრაინელი დეპუტატი: არსებობს ეჭვი, რომ სააკაშვილის გუნდს იანუკოვიჩის წარმომადგენლები აფინანსებდნენ

უკრაინის უმაღლეს რადაში „პეტრო პოროშენკოს ბლოკის“ ფრაქციის ლიდერის, არტურ გერასიმოვის ინფორმაციით, მიხეილ სააკაშვილის დაკავება უკავშირდება იმ ეჭვს, რომ ოდესის ყოფილი გუბერნატორის გუნდს გაქცეული ოლიგარქი სერგეი კურჩენკო აფინანსებდა, - ამის შესახებ LB.UA იუწყება.

დეპუტატმა განმარტა, რომ სააკაშვილის გუნდს ყოფილი პრეზიდენტის ვიქტორ იანუკოვიჩის გუნდის წარმომადგენლები აფინანსებდნენ.

მედიის ცნობით, საქართველოს ყოფილი პრეზიდენტი უკრაინის უსაფრთხოების სამსახურმა დააკავა, თუმცა სპეცრაზმი მის ტერიტორიიდან გაყვანას ვერ ახერხებს. ექს-გუბერნატორის მხარდამჭერებმა სპეცრაზმის ავტომობილი ალყაში მოაქციეს. მიმდებარე ტერიტორიაზე მოსახლეობა მიხეილ სააკაშვილის მხარდამჭერ აქციას მართავს. აღსანიშნავია, რომ ადგილზე უკრაინის პარლამენტის რამდენიმე დეპუტატიც იმყოფება. 

---

ავტორი: ,

---

დღის თემა

მთავარი თემა

ინტერვიუ - ექსკლუზივი