საქართველოს პრეზიდენტი გიორგი მარგველაშვილი ნურსულთან ნაზარბაევს ყაზახეთის რესპუბლიკის პრეზიდენტად არჩევას ულოცავს.

 „გულითადად გილოცავთ უმაღლეს სახელმწიფო თანამდებობაზე - ყაზახეთის რესპუბლიკის პრეზიდენტად არჩევას.

ყაზახეთის მოსახლეობის ერთობა, რომელიც წარმოჩინდა საკმაოდ მაღალი აქტივობით არჩევნებზე, წარმოადგენს არა მხოლოდ ხალხის სასარგებლოდ თქვენი მრავალწლიანი დაუღალავი შრომის, არამედ ასევე თქვენ მიერ ყაზახეთის ყოველმხრივი განვითარებისათვის დასახული მიზნების უპირობო მხარდაჭერას.

თქვენი, როგორც ბრძენი პოლიტიკოსისა და სახელმწიფო მოღვაწის გამოცდილების გათვალისწინებით, ყაზახეთის ხალხმა, ეჭვგარეშეა, არჩევანი გააკეთა მშვიდობის, სტაბილურობისა და ყაზახეთის მოქალაქეთა და სრულიად რესპუბლიკის მომავალი კეთილდღეობისათვის.

იმედს გამოვთქვამ, რომ საქართველო-ყაზახეთის ურთიერთობის გაძლიერება, მომავალშიც იქნება თქვენი ყურადღების საგანი.

ბატონო პრეზიდენტო, ვსარგებლობ რა მოცემული შესაძლებლობით, ნება მომეცით, კიდევ ერთხელ მოგილოცოთ და გისურვოთ წარმატება თქვენს ყველა წამოწყებაში თქვენი ქვეყნის საკეთილდღეოდ“, - ნათქვამია გიორგი მარგველაშვილის მისალოც წერილში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სოფელ წინაკვერკვეში მეწყრული პროცესები ვითარდება

ზელენსკი: მივიღეთ ცნობები, რომ რუსეთი ჩვენ წინააღმდეგ ორეშნიკის გამოყენებისთვის ემზადება

ჩეხეთის პრეზიდენტმა რუსეთს ინტერნეტთან კავშირის გათიშვა შესთავაზა.

დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება