2017-08-08 11:58:00, 2652 ნახვა

---

მარგველაშვილი პუტინის ვიზიტზე: ეს არის ფუჭი მცდელობა, რაიმენაირად მოხდეს ისტორიული უსამართლობის ლეგიტიმაცია

„დღეს, როცა რუსეთის პრეზიდენტი ჩადის ოკუპირებულ აფხაზეთში, ეს არის ფუჭი და უშედეგო მცდელობა, რაიმენაირად მოხდეს ლეგიტიმაცია ისტორიული უსამართლობის“,-ამის შესახებ საქართველოს პრეზიდენტმა გიორგი მარგველაშვილმა მუხათგვერდის ძმათა სასაფლაოზე განაცხადა, სადაც 2008 წელს, აგვისტოს ომში დაღუპული ქართველი სამხედრო მოსამსახურეების ხსოვნას პატივი მიაგო და მათი საფლავები გვირგვინით შეამკო.

მარგველაშვილის თქმით, ვლადიმერ პუტინის მიზანია, რაიმენაირად გამართლდეს საქართველოს ტერიტორიის ოკუპაცია და შემდეგ  ერთიანი სახელმწიფოს დაშლის გადაწყვეტილება:

„ამ მცდელობის პასუხად მე მინდა ვთქვა, რომ არასოდეს არც ერთი ქართველი არ ცნობს არანაირ ხელოვნურ მავთულხლართებს, თხრილებს, მოგონილი საზღვრები არ გაყოფს მთლიანობას და ურყეობას ჩვენი ქვეყნის. ჩვენ არაერთხელ გაგვივლია ეს გზა, საქართველო ყოველთვის  გამოსულა გამარჯვებული“,-აღნიშნა პრეზიდენტმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი