ორგანიზაცია „სამოქალაქო სოლიდარობის“ ერთ-ერთმა დამფუძნებელმა, გია კორკოტაშვილმა თბილისის მთავარი სამმართველო დატოვა.

მან გაეროში საქართველოს ყოფილი ახლაგაზრდა ელჩის, თათია დოლიძის მიმართ მუქარის შემცველ განცხადებებთან დაკავშირებით გამოძიების კითხვებს უპასუხა.

როგორც კორკოტაშვილმა ჟურნალისტებს განუცხადა, გამოძიების ინტერესებიდან გამომდინარე, კომენტარს ვერ გააკეთებს.

„გამოძიების ინტერესებიდან გამომდინარე, მე კომენტარს ვერ გავაკეთებ. დაველოდოთ შემდეგ მოვლენებს“, - განაცხადა გია კორკოტაშვილმა.

შეგახსენებთ, თათია დოლიძის მიმართ ჯგუფური გაუპატიურების მუქარა „ქართულ მარშთან“ დაკავშირებით სოციალურ ქსელში გაკეთებულ მის განცხადებას მოჰყვა. დოლიძემ აღმაშენებლის გამზირზე გამართულ აქციას რუსული სცენარი უწოდა.

შეგახსენებთ, „ქართველთა მარშის“ რამდენიმე ორგანიზატორი და მონაწილე 16 ივლისს, სოციალურ ქსელში თათია დოლიძის მიმართ სექსუალური ძალადობის შინაარსის და მუქარის შემცველ კომენტარებს წერდნენ. აღნიშნული დოლიძის მიერ „ქართულ მარშთან“ დაკავშირებით გაკეთებულ განცხადებას მოჰყვა, სადაც მან მარშის მონაწილეები გააკრიტიკა და აქციას რუსული სცენარი უწოდა.

მომხდარზე შინაგან საქმეთა სამინისტრომ გამოძიება სსკ-ის 151-ე მუხლით დაიწყო, რაც მუქარას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა

პაპუაშვილი - 26 მაისის საპროტესტო აქცია რადიკალური ოპოზიციისთვის სიკვდილით დასჯად იქცა

პროკურატურამ საბავშვო ბაღში ბავშვის ცემაში ეჭვმიტანილ მასწავლებელს ბრალდება წარუდგინა

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო